أضف سؤال أو موضوع جديد          

استهبال المعلنين في موقع حرا ج

up 6 down 1
بوخا 3560
قبل 8 سنه



السلام عليكم ::

كيفكم شباب

انا و اثناء قيامي بجولتي اليومية في الموقع لاحظت اشياء غريبة ههههههههههههه

لدرجة انك تقدر تسمي صاحبها غبي

هههههههههه يعني عندك مثال : نيسان Z370 موديل 2009 عارضها بـ120 الف ههههههههه و واحد ثاني عارض موديل 2010 بـ 120 الف لحد الان كل شي طبيعي واحد عارض 2011 بـ140 و فيه واحد عارض 2012 بــ145 انا تفاجأت من غرابة الاسعار قلت اروح و اتاكد بنفسي

رحت للحمراني لقيت عندهم موديل 2013 بـ145 الف وكالة يعني ما يحتاج تعليق

نروح للدودج

دودج تشالنجر معروف سعرة وكالة استاندر 108 موديل 2014 الاف يجي واحد عندة موديل 2009 وماشية 150 الف و مستوردة من امريكا يطلب فيها 90

لاحد يقول حلالة و خرابيط حلالة على العين و الراس لاكن بحدود المعقول و ان كان مو جاد بالبيع ياخي لا تعلن و تسوي ازعاج

وما يقهرني الا الصعلوك الي يجي توه صاحي من النوم و اسنونه صفرة

يخش على الاعلان و يقول : ياراعي الاعلان سيارتك تسوى 500 الف لان سيارتك مافي زيها في العالم وهو مافي بجيبة ريالين

الله يخلف علينا بس

وسلامتكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الصعلوك الي تتكلم عنه هو نفسه صاحب السيارة
يدخل بكم عضويه وقوة سوم ويرفعها
بعدين وانا اخوك لاتواخذه يحلم بسعر تجيبه سيارته وخله يحلم


up 7 down 0
االخاالدي 3898
قبل 8 سنه



هههههههههه اي ولله يالخالدي


فيه كثير معلنين يعملون ذي الحركة


up 1 down 0
بوخا 3560
قبل 8 سنه



صراحة صادق أغلب الاعلانات في موقع حراج عن بيع السيارات مباااااااااااااالغ فيها وبالنسبة لي ما أفكر أشتري من حراج أبد .


up 2 down 0



إتفاقية العمولة
بسم الله الرحمن الرحيم
قال الله تعالى" وَأَوْفُواْ بِعَهْدِ اللهِ إِذَا عَاهَدتُّمْ وَلاَ تَنقُضُواْ الأَيْمَانَ بَعْدَ تَوْكِيدِهَا وَقَدْ جَعَلْتُمُ اللهَ عَلَيْكُمْ كَفِيلاً " صدق الله العظيم
أتعهد وأقسم بالله أنا المعلن أن أدفع عمولة الموقع وهي 1% من قيمة السيارة في حالة بيعها عن طريق الموقع أو بسبب الموقع وأن هذه العموله هي أمانه في ذمتي. ملاحظة:عمولة الموقع هي على المعلن ولاتبرأ ذمة المعلن من العمولة إلا في حال دفعها،ذمة المعلن لاتبرأ من العمولة بمجرد ذكر أن العمولة على المشتري في الإعلان
أتعهد أنا المعلن أن لدي نيه جاده في البيع وأن إعلاني ليس لمجرد معرفة سعر السيارة في السوق.
أتعهد أنا المعلن أن جميع المعلومات التي سوف أذكرها بالإعلان صحيحة وفي القسم الصحيح وأتعهد أن الصور التي سوف يتم عرضها هي صور حديثة لنفس السياره. وليست لسياره أخرى مشابهه
أتعهد انا المعلن أن أقوم بدفع العمولة خلال أقل من 10 أيام من تاريخ إستلام كامل سعر السلعه.


up 1 down 0
أبولتين555 655
قبل 8 سنه



شريطية                  


اللي يقهر ويفقع القلب

سياره تسوا 70 الف ريال اوك

ويجيك واحد يقول افتح بابها ب 68 الف ريال وان مانسبتك اعذرني لكن هذا اللي عندي

ياخي ليه تخرب على الناس الباقين ؟؟

يجي يفتح بابها , بحد السياره , ويقول بعد اذا ما ناسبتك اعذرني

انت الحين خربت على الباقين

يمكن الرجال سمح بالبيع وببيع ب 60 الف ليه تسوم كذا ؟؟

اسأل عن الحد اول شيء , واصلا ماهو جاد 

بس جاي يطقطق

و اللي يقهر اكثر

اذا السياره تسوا 70 الف بالكثير

وجاء واحد يفتح بابها ب 68 الف و يقول اعتبرها فتحت باب وان شاء الله ما بخستك

ويجي المعلن ويقول حسبي الله عليك ليه تبخس سيارتي

ولو كان حلالك ما كنت سمته بكذا

وهو اصلا موتره ما يسوا 65 الف 

ياخي شريطيه نصابين 

واتوقع داخل باكثر من عضويه



up 2 down 0
أبو يزيد 000 259
قبل 8 سنه



طيب وش رايكم بعكس الشي هذا اذا عندك سياره تسوي 70000 وجا واحد وسامها 30000 ليش تذكر النوعيه هذي من الناس


up 0 down 0
740adeel 4
قبل 8 سنه



أصلا إذا دخلت بأكثر من عضوية من نفس الجهاز احلم ترد على نفس موضوعك الي كتبته بالعضوية الثانية 


up 0 down 0
yazeedg92 131
قبل 8 سنه



تقدر تسوي عضويتين عن طريق كمبيوترين او كمبيوتر وجوال

الله اعلم اذا لازم تغير اتصال النت لكل حاسب اتصال خاص به
 ..


حتى لو تغير الآي بي ماينفع

من يعرف طبعاا الشريطي ماراح يعلم لان هذا (سر المهنه) اقصد النصبه هههههههه

ههههههههه الله المستعان


الحمراني مانزل موديلات 2013 اتاكد من معلوماتك وانا متاكد ولا موديل 2012 الا الصني


up 0 down 0



متاكد كنت عندهم قبل اسبوع و رح فرعهم بطريق خريص و تاكد بنفسك 


up 0 down 0
بوخا 3560
قبل 8 سنه



حسب علمي فعلا الحمراني اخ عهده بنيسان 2012 صني والبقية العيسى


up 0 down 0
رياض الفهد 11
قبل 8 سنه



والمشكلة اللي يعطيك نية الشراء وتتفق انت وياه على السعر  ويعلقك واخر شئ  يسحب عليك 


up 0 down 0
mazen - 80
قبل 8 سنه