استفسار ارجو الرد عليه .

الأستخارة اهم شيء
المدني حياته ارتب بشكل عام ... قرارك بالنهاية

اول حاجة استخير الله عز وجل صل ركعتين وستجد من الله الدليل
ثانيا العسكرية بدلاتها حلوة ورواتبها مع البدلات
عالية ماشاء الله لكن لو خشيت العسكرية لازم تستغل الراتب وتستثمره على طول
لانه وقت التقاعد سوف تزال البدالات ويصبح الراتب قلييييييييييييييييييييل
الوظايف المدنية حلوة ومريحة لكن مشكلة الترقيات فضلا عن الترسيم مطووووووووووولة

الله يوفقك ويسهل امورك

كل وظيفة لها مميزاتها

لكن للأمانة لوني مكانك على طول العسكرية

الامور تغيرت ولاهي زي اول
رواتب طيبة خصوصا البدلات والتعب حاصل حاصل بأي وظيفة لازم تعمل وتأدي الامانة اللےْي عليك
ووالله ان (بعض) وظايف العسكرية اريح م̷ـــِْט المدنية

والاهم م̷ـــِْט هذا كله تستخير وتشوف نفسك مرتاحة لأي وظيفة

توكل على الله وروح للحرس...الحرس افضل من جيش...
بس تحمل دورة فرد اساس وبعدها تضبط امورك..

عيب العسكرية في التقاعد ينتفونك تنتيف بالعربي اغلب العسكر مسجلين في الضمان الاجتماعي

العسكرية وانت مغمض وبعدين مو جندي وكيل رقيب في فرق وراح يجيك راتب وبدلات ماحلم فيها المدني


الله يوفقك ويسر امورك

خليك فالمدنيه ورب الكعبه عسكريه تكره عمرك 

يجيك ضابط منفس ولا زعلان من الحرمه يطلعها فيك وفالأفراد

ياخي وربي اشياء كثير فالعسكريه ماهي تمام وظلم علني وعيني عينك وماتقدر تسوي شي غير التحيه وامرك

لو انك فالخرخير ودقو عليك تحظر عشان في نقص وماحظرت سجن وأفاده هذا غير الجزا

غير الخفارات الي تجيب لك الهم

زد علا ذالك لايمديك تفتح سجل تجاري ولايمديك تطلع تكسي ولا يمديك تتزوج اجنبيه خخخخخ اهم شي ..((

خلي فالمدنيه لو بنص راتب العسكري 

تداوم الصبح مع الناس والعالم والظهر وانت فبيتك وبيئة عمل طيبه

احسن من العسكريه القدامه كلهم احسن واحد فيهم معاه سادس هذا اذا جابها

موفق

.. مكلمك عسكري واغلب الي حولي عسكر انحشششش

استخير وروح روح روح روح استخير ورووح وروح وكيل رقيب كويس
احسن من الجندي وغيره رووح

تعتمد بالاول ع شخصية الواحد .. بمعنى في ناس وانا منهم ما أتقبل اي قلة حياء من ضابط والا غيرة .. بس ابو الهدى ههههههه
وفي ناس عادي عندهم يتقبل ،، فأنت من اي عشان لاتتحسر بعدين .
الحرس الوطني حلو ومدلعين ومتسدحين ما عندهم الا حراسة الوطن خخخخخ
بالتوفيق أخوي دخل دورة بأمن المنشأت وطلع من الدورة مدرب سلاح ، ومعه شهادة حاسب والحين له 5سنوات تقريبا أكثر من 9 والحين متبطح بكندا بعثة ههههه

خلك مدني وبيجيك الخيرأصبر ياخوي نصيحة محب

نصيحة لوجه الله لالالالالالالالالالالالاتقرب من العسكرية  تراك بتاكلها في التقاعد

رواتب أطيب من المدنيه بواجد ونت منت بضامن الترسيم
لاكن حط في بالك التقاعد تطيح البدلات الى ان كانك بتضبط وضعك
اعرف أفراد ورب البيت أوضاعهم طيب من ضباط اشتغلو والله وفقهم
في أي مجال الي معارض سيارات والي ف النقليات والي في العقار
الشباب الحين وهو ف الدوره طلع قرض ومن قرض في قرض راحة 
حياته مديون عشان سياره ولا سفريه الخيار لك والله يوفقك

أخي الكريم بما أنك في وزارة العدل ، أنا كذلك في وزارة العدل بالنسبة للترقيات ﻻ تشيل همها أحسن وزارة في الترقيات وتترقى في نفس منطقتك ، أنا واخوك ترقياتي فيها ماشية تمام والحمد لله ، هذا إذا أنت تضمن أنهم يرسمونك وهذا حسب عدد سنوات خدمتك وشهادتك الدراسية ، إذا أعطوك السادسة تراها ممتازة وأحسن من وكيل رقيب وراتبها اﻻساسي قوي أحسن من قبل والتوفيق 

ياخوي من تحصله الحرس ؟ الحرس الوطني وظيفه ليست سهله مالك ومال المدني وش يظمن لك انك راح تترسم بعد بند الاجور ؟ رح عسكري يارجل على الاقل تنشغل بالدوام وتحس انك مع الناس ولابس العسكريه والبنوك ماشيه مع العسكري سلام سلام قرض وتقسيط مع اني ما ناصح بالديون والله يكفينا شرها . هذي نصيحتي والله يكتبلنا وياك الخير والتوفيق