أضف سؤال أو موضوع جديد          

تابع.. شريت ددسن وطلع فيها مشكله

up 4 down 0
تسجيل1 158
قبل 6 سنه و 10 شهر



السلام عليكم

سبق وشرحت المشكله فالموضوع الاول

اللحين توي راجع من اوتوستار صيانة العيسى بجده دخلت على المهندس
وقلتله ابدخل السياره قال (وهنا المشكله) وين كتيب الضمان قلت ما معي كتيب

قال السياره عليها استكر العيسى قلت ايه قال رح عند مكتب الكنترول وخلهم يعطونك
كتيب ضمان

رحت للمكتب طبعا هو داخل الصيانه وقلتلهم ابغا كتيب ضمان قالوا ارجع للمعرض
اللي باعك وقله عطني كتيبها
اتصلت على المعرض قال مافيه كتيب لاكن يطلعونه برقم الشاصي
رجعتلهم وقلتلهم يقول برقم الشاصي 
قالوا برقم الشاصي ما يطلع شي وهم اصلا ما دخلوه فالجهاز


طيب انا وش اسوي ذلحين المعرض ماعنده كتيب والشركه تبغا الكتيب

استكر العيسى علا باب الحوض
صورة ورقة الجمرك معي دخول بأسم العيسى







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أقلك رح للمعرض وهددهم انك بتشتكي الشرطه ووزارة التجارة وسوي نفسك معصب وارم الموتر قدام باب المعرض وامش

باذن الله تفيذ معهم ويعطونك الضمان ... لابارك الله فيهم همهم الفلوس واذا جات طز في العميل .


up 3 down 0
أبو ميان . 154
قبل 6 سنه و 10 شهر



أشتك عليهم بوزارة التجارة فيه ابليكشنباالجوال حط شكواك و يردون لك


انا حصلتلي قبل عشر سنين كان معي كامري ٢٠٠٣ و رجعت المعرض و طلع لي كتيب. ضمان وديته الوكالة 


up 3 down 0
a_aa_ma 1
قبل 6 سنه و 10 شهر



شيخ المعرض اولاً ، بعدين باقي الجهات اذا مافي تجاوب معك ... الله يعينك لعله خير لك وانت ماتدري،، لاتشكك في نسك وسيارتك ومالك ، بكرة يجيك المفتيين عندنا بها عين والا حسد وووو لييييين تكره ام السيارة
شوية لخبطة وانت مقصر في الاستفسارات كلها


up 0 down 0
aziz..747.. 2420
قبل 6 سنه و 10 شهر



خير لي ما قلت شي راضي باللي الله كاتبه
وهذا جزا اللي يقدم علا شي ولا يستخير ربه ومهي من عادتي ما استخير
لاكن مدري وش اعماني يومها ونسيت

يخوي السياره من كثر ماهي ترج الدركسون صار فيه فضاوه

كشفت عند ورشه قال الكفرات مافيها اي تحبيل نظيفه ما شاء الله

قال عندك يا ترصيص يا العمود يبغاله شد وقام يفتي في امور مكنيكيه ثانيه يبغا يبدا يفكفك

وانا والله ما ودي ارميها عند اي واحد يسويها واخاف استعجل بصيانتها
خارج الوكاله واتورط بعدين مع الوكاله

كرهوني فيها الله حسبي عليهم


up 0 down 0
تسجيل1 158
قبل 6 سنه و 10 شهر



بكم طلع عليك ولو انك مطلعلك هايلوكس غماره وريحت راسك 




up 0 down 0
ابو فارس 3
قبل 6 سنه و 10 شهر



بـ 55500 والله انها دين ويالله تجمعت 

وين الهايلكس 70 الف فرق مهو بسيط


up 1 down 0
تسجيل1 158
قبل 6 سنه و 10 شهر



وزارة التجارة على طول واقعد لهم وخذ اسماء اشخاص لأن أكثر هذا التعطيل من الموظف 


up 0 down 0
بو مداوي 39
قبل 6 سنه و 10 شهر



أبشر الجميع سويت ترصيص للكفرات وراحت الرجه 

لقيت واحد من الكفرات مرصص والبقيه مهي مرصصه المهم ضبطناها

باقي القير هو اللي شايل همه مع صوت الكتلش عالي هذي يبغالها مرابطه عند المعرض والشركه

وحملت تطبيق وزارة التجاره وبرسلهم الشكوى بإذن الله انهم يتفاعلون معي وياخذون حقي من المعرض

اقلها المعرض يعطيني كتيب الضمان لان مهو من حقه يخفيه إلا في حالة أن الوكيل باعه اياها وفيها عيوب وأتفق هو وياه

على إخفاء كتيب الضمان عشان لا ينكب فيها

اشكر الجميع على ردودهم


up 0 down 0
تسجيل1 158
قبل 6 سنه و 10 شهر



ترا اغلب المعارض تجيه السياره باغراضها كامله وياخذ منها ويقولك جاتنا كذا وقصة قد صارت لي شريت فكسار من معرض في الشفا بالرياض وانا بالباحه قلت لاخوي رح خذها وجبها لي ووصفته المعرض وراح خذا السياره وعطاه مفتاح واحد طبعا اخوي فاصل الريوس ماعنده الا قدام قاله باقي المفاتيح فين هي قال مافيها الا هذاماعندك الا هو ودخل المكتب وجلس يقلب بالمفاتيحوراعي المعرض يقول بادق عالشرطه قاله دق الين اخلص وشوي والا يلقا مجموعة مفتتيح ومكتوب عليها رقم اللوحه وريموتات ثلاثه وانلطم راعي المعرض واغلب اصحاب المعارض مايخافون الله فيهم جشع وليس كلهم والله يعينك ياراعي الددسن وعذرا عالاطاله


up 0 down 0
المعاوي١٩٩١ 426
قبل 6 سنه و 10 شهر



بالنسبة للي يقول كان شريت هايلكس ابرك لك ... ياخوي الرجال شرا وانتها وثاني شيء والله انا مجرب الددسن ماعليها كلام ماشاء الله .. وبالنسبة لصاحب الموضوع ولو المعرض ماعطاك تقدر تشتكي على نفس العيسى لان ولو مافيه كتيب ضمان انتوا اللي جايبينها وفيه اشياء تثبت يعني ماهو مشكلة كتيب الضمان والله يوفقك ..


up 0 down 0
kaka90 150
قبل 6 سنه و 10 شهر