أضف سؤال أو موضوع جديد          

٦ سنوات في حجز لبن واااااااحسرتاه

up 10 down 3
leopard 464 110
قبل 8 سنه و 5 شهر



السلام عليكم ورحمة الله يا اخواني 

قصة حصلت لي عام ١٤٢٦ بالضبط 

كان عند الوالد الله يرحمه نيسان داتسون 

و حصلت عليها حوادث كثيرة و من يد ليد بين الاخوان 

المهم طابت نفوسنا منها و نوينا بيعها 

دخلتها حراج بريدة و بعد جهد جهيد جابت لنا ١١ ألف 

و كان بيشتريها شخص لقريب له في الرياض 

اخذنا دراهمنا و عطيته الوكالة و الاستمارة و قلت له انقلها عن طريق المعرض و انا ماشي لاهلي ماني جالس بالقصيم 

خصوصا انه جاي عن طريق معرفة 

مالكم بالطويلة الرجال اخذ موتره و نقله بالمرور و كان وقتها الاستمارة كتابة بخط يد 
و شحنه للرياض مع النقليات و يضبط موتره و يستخدمه حول الشهرين تقريبا و بعدها ينسرق من عند الباب 
قابلت خويي المعرفة اللي بعت عن طريقه و سألته اخبار الددسن قال ما امداه يفرح فيها قلت افا يا ذا العلم وش اللي صار قال انسرقت من عند الباب قلت الله يعقل عليه و يردها له ، راحت الايام و السنين واجي عام ١٤٣٢ و يجيني اتصال على جوالي ما رديت و اتصل عليه قال هذا حجز لبن لك سيارة محجوزة مسروقة شي من هالقبيل قلت لا الحمد لله ، اصلا ماني من الرياض كلها و مواتري عنديي
قال يمكن غلطانين ثاني يوم دق علي نفس الرقم قال انت فلان قلت لا انا ولده قلت وش العلم قال لكم سيارة كيت وكيت قلت ما هي لنا بايعينها من سنين قال العسكري انا فاعل خير و سيارتكم لها كم سنة عندنا لقيناها مسروقة  قلت انت ما انت فاعل خير هذا واجبك  وانتم مقصرين اول شي السيارة لها ٦ سنين عندكم ما كلفتوا انفسكم تبحثون عن صاحبها ثانيا التقصير من المرور اللي ناقلين السيارة كتابة و بالكمبيوتر ما نقلوها قال هذا اللي حصل الوكاد دورنا راعيها وكلمته وقلت له يستلم موتره من الحجز يقول يوم شفتها الا هي مكمخة مع كل جهة و مبنشرة و الغبار عليها طعوس قلت احمد ربك اللي جابها الله لك و العتب صراحة على الموظف اللي ناقلها يدوي و لا نقلها بالحاسب لان صاحبها يقول جيت حجز لبن و المرور وبلغت ما حولك احد فالله يعين موترك ينسرق تحمله انت و زود على هذا يخيس عندهم و يصدي و هم ما دروا عنه 


اعتذر على الاطالة و سلامتكم يا اخوان 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ونفس القصة صارت مع ولد خالي ثلاث شهور وهي موجودة في الحجز ولا أحد أتصل ولا شي 
الحين أول ما تنسرق السيارة على طول الحجز


up 1 down 1
عبدالرحمن إسماعيل 779
قبل 8 سنه و 5 شهر



احسب الحجز خلص تخبطاته
من زمان كنت اسمع بمثل هالسواليف
لكن لا حياة لمن تنادي
الله لا يطيح لنا موتر عندهم


up 2 down 0
أبو نجوى 2443
قبل 8 سنه و 5 شهر



شهر شهرين مقدور عليها 

لكن ٦ سنين تقهر حسبي الله ونعم الوكيل


up 1 down 0
leopard 464 110
قبل 8 سنه و 5 شهر



على الاقل هذا احسن من غيره
مالك حق يوم قلت من فاعل خير
صح واجبه بس زين انه اتصل عليك
مرتين 
صح فيه تقصير بس لاتقابل الحسنه
بالسيئه


up 0 down 0
ابوسعيد الاحمري 1017
قبل 8 سنه و 5 شهر



يا اخوي الروتين وعدم اللامبالاة هو السبب وكلن من الموظفين 
يقول انا وش دخلني بالموتر ولا براعي الموتر بالحريق هو موتره 
والمفروض من إدارة المرور جرد الحجز شهريا مره وسنويا بس 
الله يكافينا شر الناس كل واحد يقول مو مسؤوليتي .
ومره النسرقتال سياراتنا ودقوا علينا وقالوا السياره بالحجز حاجزينها
وما مدي اخوي يركب السياره وافرج عنه ولا تمسكه دوريه وقال السياره 
هذي عليها بلاغ سرقه وامشي معاي وقاله اخوي يا رجال توي مطلعها من الحجز
والسياره كانت مسروقة قال امش معاي للقسم .
ولما راح للقسم مع الشرطي قالوا له اخوياه اي مفرج عن السياره من الحجز اليوم 
قال ليه ما سوتوا كف بحث ووقفتوا البلاغ وكل واحد من العسكر يقول شف فلان 
وعسكري يرميها علي العسكري الثاني وأخذ اخوي السياره وطلع
يعني عدم الامبالاه من الموظفين أنفسهم هذا اللي ضيع حقوق الناس.
وتحياتي 


up 1 down 0
foxzx 1593
قبل 8 سنه و 5 شهر



حسبي الله ونعم الوكيل ( بعض ) العساكر اخلاقهم شينه والله يوم طلعت رخصه اخلاق شينه اعوذ بالله

اجل كيف حقين الحجز 

الله يصبرنا بس 


up 0 down 0
mission 849
قبل 8 سنه و 5 شهر



دامك في السعودية توقع اي شي 


up 0 down 0
أستشاري الحب 6468
قبل 8 سنه و 5 شهر



اخي الكريم
احمد ربك ان الامر انتهى عند هذا الحد ..
كيف لو حصلت مصيبة اعظم منها : تهريب مخدرات , او اعمال ارهابية لا قدر الله

لابد للواحد ان يتأكد من نقل الملكية باسم المشترى ومع نظام " ابشر " اصبح الامر ميسورا
ولله الحمد


up 0 down 0
saqr111 35
قبل 8 سنه و 5 شهر



قل نيسان ددسن تكفى خخخ


up 0 down 0
ابوعابدالله 81
قبل 8 سنه و 5 شهر