مشكلة قير الباترول التوبترونيك وحلها

السلام عليكم ورحمة الله وبركاته والصلاة والسلام على رسول الله أما بعد سبق وأن حصلت معي مشكله في قير الباترول

التوبترونيك يعلق ومايبدل بالسرعات وبحثت عن المشكله بالنت ولقيت مواضيع تتكلم عن المشكله وحلها لكن للأسف

بدون صور طبعا رحت لورشه متخصصه عندنا بالقصيم سعودي وقالي عن المشكله وهي كتاوت زرقاء بجانب

الفلتر قيمة الواحد 60 ريال إشتريت 3 بــ180 ريال من عند الوكاله وركبتها بنفسي لأنها ماتحتاج خبره أو تعقيد

وبفضل من الله راحة المشكله وصار القير يبدل طبيعي بدون تعليق

طبعا من الأفضل عند تركيبها فصل البطاريه حتى مايحدث إلتماس وتغيير في البرمجه للسياره

ونصيحه إذا عندك سياره قير توماتيك وحصل له عطل وقالوا لك توضيب فلا تستعجل وتصدقهم لأن أكثر مشاكل

القير الأتوماتيك إما كهربائيه أو حساسات ... وهذه صور للكتاوت ومكانها في السياره

أرجوا أن يكون الموضوع مفيدا وبالتوفيق