سيارة تقطع وكاره امها دنيا

يفيدونك الشباب والله يرزقك بموتر 2020 في بداية 2014 :) قل امين

هذي يا الغالي بسبب الديلكو يحتاج كبس وتركيب ربلات في المخرطه وبإذن الله تزين وتروح القرقره والكتمه

ياساتر زين منها تمشي سياره لها ثلاثين سنه اعتقها ياخي واشتر غيرها

يقولك لاحد يقولي اشتري غيرها مطفر و انت تقول بيعها و اشتر غيرها ...لاحول الله 

اسأل الله ان يرزقك من واسع فضله موديل السياره قديم وراح يبهدلك حتى وان قمت تصلح فيه .. بقولك شيء لاتتوقع
ان كل السعوديين مريشين وعندهم دراهم لاتغرك ترى 90% من الشعب سياراتهم اقساط والباقي من الشعب هم الطبقه العليا
الوزراء وعيالهم والامراء والتجار و و والخ.. لذلك اقتراحي لك
1-ان كنت موظف حتى وان كان راتبك ضعيف يمديك تآخذ سياره اقساط مهما كان نوعها وموديلها بتغنيك عن اشياء واجد
2- ان كنت عاطل خذ حافز وحآول تتسلف من اقربائك او عائلتك حتى ولو ياخذ قرض مبلغ بسيط وتقسطه انت من حافز
3- عندك الضمان الاجتماعي يعطون سيارات لموزين على مااعتقد وتقسطهم انت بنفس القيمه مافي فوائد واظن مشروع
الملك عبدالله نفس الحكايه .. عاد انت اذا ماتبيها لموزين شيل المبه اللي فوق والاستكرات .. والله يوفقك

وش تعبيه من بنزين 95 او91 

شوف الديلكوا امكن فيه فضاوه اذا الكربيتر مهو مزبوط ادلك على فلسطيني تخصص كربيترات فالزاهر خلف سوق الضيافه

احط بنزيم 95 الصباح بروح بها تشليح اغيره ديلكو

اخوي معاند مشكلتك كلها في الكربريتر دام سويت تصفيه وتغير بواجي وبلتين .. الله يعطيك العافيه ويعوض عليك يا رب ناقصك الكربريتر حاول تدور في التشاليح عن نظييف وغير مفكوك وفي حاجة مهمة في الكاربريتر فيه صمام وزن عليه شمع مختوم اذا حصلته بدون الصمغ لا تاخذه لانه راح يتعبك بعدين وملعوب فيه واذا ما حصلت في التشاليح الله يعينك حاول تاخذ جديد وتريح نفسك حتى ولو كربريتر سياره ثانيه تركب ع سيارتك واسال المكيكانيكي وانا مثلك انا اخوك متعطل علي سياره والمشكله كلها في الكربريتر وما حصلت نظيف ... والله يرزقك ويرزقنا وياك الجنه والرضا

شيكت على الشكمان احتمال يكون منه وفيه
واحد باكستاني متخصص كربريتر دلني عليه واحد من الشباب الله يرحمه في صناعية العريجاء خلف شركة كهرباء غرب الرياض روح له

لا تنس سلك الكويل تلقاه يهرب كهرب غيره