أضف سؤال أو موضوع جديد          

مكتب وبقاله ومطعم داخل سيارتك

up 18 down 2
أنيق 17573
قبل 8 سنه



مساء الخييير ياحلوييين 
من زمان مانزلت موضوع وعارف انكم زعلانيين علي 
لكن مافي افكار جهنميه خلصت كلها ههههههه راسي فاضي الحين كله نكت وهموم ونظرات مستقبليه وخوف من المستقبل 
ومسؤوليه وحوسه 
الله يعيين 
انا من بعد مافقدت ماركيزي خلاص تغير مجرى حياتي هههههه 
اذا هذا وانا فقدت سياره بس 
كيف لاسمح الله فقدت زوجتي @@@ ترى باقي ماتزوجت لاتحسبوني تزوجت ^_^ 
الحمد لله ،، وفي ،، لكل شيء حتى للحديد 

مشكلتي اني اذا صاحبت شيء خلالاص اتعلق فييه بقووه 
واذا فقدته احس كأن شيء نقص مني 
ماركيزي لو تشوفونه تضحكون علي بس والله غالي علي مررره لو ينباع ماجاب ٦ الاف هههههه بس خلاص 

المهم فاصل فضفضه وخلصنا منه 

موضوعنا اليوم 
عن داخل السياره 

ممكن يكون لاسمح الله سبب في وفاتك او كسور في جسمك او ممكن ينكسر راسك هههههه صحيح ترى ما امزح بتشوفون الحين 
ممكن تنعمي 

الله يحفظنا وياكم من المصايب 

المشكله الي داخل السياره موب أنت ! ولا الساده الركاب هههه ولا السياره ولا سرعتك ولاسواقتك 
انت بريء اليوووم 

الي متهم معنا هو 



( اغراااااااضك واوراقك الي عالطبلون ً ومشترياتك واسطوانة الغاز وجوالين المويه والعفريته ) 

هذي الاشياء لاتدخلها معك السياره ! 
ياخي قسم بالله المصنع حط لك شنطه ورى ياخي وش تبي فيها ؟ 

لاسمح الله كنت ماشي وزوجتك معك ولا اخوياك وحاط اسطوانة الغاز بالمقعده الخلفيه 
وصار حادث وانقلبت ٤ قلبات او سحبت فرامل بطريقه مفاجئه اغراضك كلها تلقاها بخضنك الدافي هههههه 
وانت تسحب فرامل تسمع الاغراض الي بالمقعده ورى تطلع صوت فهنا راح تلتهي فيها وتخاف انها تطيح 
انت ماتدري تمسك الاغراض ولا تمسك الطاره ولا تسحب فرامل هههههه حوسه خاصتا اذا شريت طبق بيض 
من يوم تركبه جنبك مكان الراكب وانت تناظر فيه لايطيح تحت الدرج ويتفقع 
ياخي ريح نفسك وحطه بالشنطه خله يفحط فيها إلين يطلع صوص ههههه
والاغراض الباقيه خلها بالشنطه 
شريت عشاء حاار مطبق ولاتميس ولا فول ولاشورما ولا بروستند ههههه خله بالشنطه 

اتوقع الاسطوانه او جوالين الماء او شريت كراتين العصير او اشتريت مقاضي للبيت راح تجيب فيك العيد 
اذا دخلتها معك السياره 
فنصيحه اي غرض خله بالشنطه آمن للركاب ومايشغلك وانت تسوق 




الخلاصه :-
١- اسطوانة الغاز ودبة المويه خلها بالشنطه لأنها ثقيله وخطيره 
٢- المقصوره الداخليه لايدخلها إلا بشر فقط ، اي جمادات خلها بالشنطه 
٣- الاكلات الساخنه خلها بشنطة السياره ، منها تحافظ على سخونتها من التكييف داخل السياره وأنها ماتنكب عليك 
٤- دع داخلية سيارتك نظيفه خاليه من الملهيات اثناء القياده ولسلامة الركاب معك وللترتيب الداخلي يعني تكون داخلية السياره مرتبه تفتح النفس 
٥- لاشوف اوراق وكرتون منديل على الطبلون لأن كل مالفيت تتحرك وتشغلك خل طبلونك فاضي مافيه اي شيء وضع اوراقك فالدرج ولاتحت المقعده 

واخيرا خلصنا وعساكم استفدتوا 

وتصبحون على خير ياحلوين 

محبكم 
& أنيق& 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ههههههههههه اذكر مره ركبت بشنطة الكامري وراء تحس عيون القطط في راسك 


up 3 down 0
اهمد 1200
قبل 8 سنه



ماشالله عليك الأنيقة سمعة و بنت أصول مضبطة العفش يا زين شكله و هو بالمرتبة 


مهوب عفوشنافروة وشماغ. و مذكرات عقب الجامعة ما ندري ليش ما رميناه هههههه 


up 2 down 0
a_aa_ma 1
قبل 8 سنه



هههههههههههههههههههههه يالباترول بيسحب الرياض كلها


والله يا انيق انا الشطنة عندي مليانه اغراض مثل عدة للسيارة ومنقل فحم للشوي 

وكلها وانت بكرامه شراريب عشان الكورة هههههههههههههههههههه 


يعني مالها داعي يوصل العشاء بنكهة شراب والفول بنكهة الفحم 


up 6 down 2
محمد فورد 507
قبل 8 سنه



مره اهلي عطوني عشاء ارسله لأختي بعد الولاده والسياراه مليانه اكل رز ولحم ومرق وشوربه وسلطه وحاطينها في حافظات ومركبها جنبي المهم وقفت عند اشاره ولعت خضراء ومشي الا واحد قطع الأشاره وانا امشي تقريباً ٦٠ وضغط ام ام الفرامل بقوه ويطير الأكل ويتناثر على المرتبه هههههههههاي  والرجال زبن ماشفته اخر شيء شريت لأختي صحنين لحم مندي وسلطه وشوربه وصلته لهم موضوع مميز . أنيق وش سالفه الماركيز حقتك الي كل شوي تجيب سالفتها 


up 13 down 0
sam89 -113
قبل 8 سنه



السلام عليكم موضوع جميل بس اختلف معك بخصوص العشاء تحطه في الشنطه لان فيه ناس مثلي سيارتهم مافيه شنطه فيه حوض والشيئ الثاني الاكل ودك تحطه جنبك عشان يونسك في الطريق وخاصة التميس


اطلق شئ لما احس سيارتي كل شئ فيها كتاب في الكرسي مذكرة بالطبلو فواتير بالدرج مزازه عصير بالقير علك نوفا بالدعاسه راح تشع بعالم جميل هههههههه


up 1 down 1



ياهلا بحبايبي 
اهمد :  ههههههه ياقلبي عليك ليش ركبت بالشنطه لهالدرجه خايف من التفتيش هههههه

محمد فورد :  ههههههه اووما عشاء بنكهة الشراريب 
ياخي حطها بكيس ورتب وضعك ونظف الشنطه من الحين 

Sam89 : هههههه قايل لك من اول بس ماتسمع كلامي ، الماركيز حقي حشت معه مغامرات تقدر تشوف مواضيعي القديمه كيف كانت المغامرات 

نايف : ابشرك في طربال للي سياراتهم حوض يعني امورك طيبه ، وترى فيه صندوك حديد يركب بالعرض في الحوض ويتلزق في ظهر الغماره فالصندوق 
تحط فيه اي شيء تبيه 



up 3 down 0
أنيق 17573
قبل 8 سنه



هههههه والله انك صادق
تصلح قصة لفيلم مشوق وطريف مع بعض البهارات الحارة
المشكلة بالتميز مايحلى الا وهو راكب عندك , وماتوصل البيت الا ونصه بطنك ههههههه
تصدق مرة عند الاشارة لقيت واحد معلق السمك بالمرايا الخارجية علشان ريحته ماتمسك بالسيارة
تخيل لو يطرده جيش من القطط (البسسه)  هههههههههه


up 1 down 0
Yaser1 669
قبل 8 سنه



والله كأنك داري عني اليوم سويت تحديث للداخليه حق سياراتي الثتنين ههههههههههههههههه
تنفيض وترتيب ورميت اوراق واجد مالها داعي تواريخها قديمه مره وبالذات السياره اللي اروح بها الدوام مليانه فل من داخل اوراق ومستندات كلها رميتها حسيت الداخليه صارت كبيره وصار فيه مكان حسيت براحه نفسيه والله . اللي موتره مليان اغراض ينفضها والله يحس بفرق . والسلام ختام

مره ركبت مع واحد لقيت مكان الراكب من تحت (زباله !!) الله يكرمكم وش هالقرف اعوذ بالله ؟ معقول فيه ناس كذا
لو اغراض عاديه معقول بس مثل هذا وضعه سيئ اكل قديم وقراطيس وعلب بيبسي مرميه !! وش يحس فيه ؟


up 1 down 0



الباتررول 3> اابي زززييه ..!


up 1 down 0



ياسر ١ : هههههه الله يسلمك احرجتني ياقلبي انت ، اووما علق عشاه بالمرايه الخارجيه ، هذا عنده عقده من ريحة السمك
بس لو يطارده جيش من القطاوه سيصير ملحاً ههههههه

شكلين مابحكي : ياهلا بعيوني والله اشتقتلك وينك ساكت ماشوفك بالمنتدى ، اووه نسيت 
كنت تنظف مواترك ، ماقلتلي وش مواترك ^_^ <<< سؤال ملقوف  ههههه الله يوفقك يالغالي ولاتقطعنا فينقطع النفس عنا 

ارحمنا برحمتك : يابعد قلبي انت والله لو معي دراهم كان دقيت ٢ واحد لك وواحد لي ، بس ماش مطفرين الله يرزقنا 
والله بيني وبينك لو الوالده ساكنه بشقه تمليك كان الحين تلقاني اروح اتزوج والله العزوبيه عذاب وفتنه 
كل ما اروح مكان واشوف بنت حلوه من غير قصد ، اذووب واتلخبط وادوخ ، الله يعين ويكفينا شر الفتن 



up 2 down 0
أنيق 17573
قبل 8 سنه



^^^^

شكلك توّ دخلت سن المراهقه ( يعني توّ بلغت )

عليك بالصوم . صم الاثنين والخميس وايام البيض .هي مرحله راح تعديها بكل يسر وسهوله واهم شئ غض البصر . انا عزابي ولسى شباب اسأل الله ان يطيل اعمارنا على طاعته . وكلنا والله ودنا نعف نفسنا ونكمل نصف ديننا بس ويييين لازم الواحد ينتهي من الجامعه ثم يدبر وظيفه ثم يكون راس ماله ثم يتزوج .
ومثل ما قلتلك الصوم الصوم والله افضل علاج للعفه وباذن الله راح تعدي هذه السن وانت في اتم السعاده لانك ممن قال فيهم رسول الله صلى الله عليه وسلم (وشاب نشا في طاعه الله ) . العفه مهيب بالعاده السريه ولا بالخرابيط الي يعملها الشباب . العفه تكون بالصوم لان الرسول صلى الله عليه وسلم يقول ( ا مَعْشَرَ الشَّبَابِ من اسْتَطَاعَ مِنْكُمْ الْبَاءَةَ فَلْيَتَزَوَّجْ، فإنه أَغَضُّ لِلْبَصَرِ، وأَحْصَنُ لِلْفَرْجِ،وَمَنْ لَمْ يَسْتَطِعْ فَعَلَيْهِ بِالصَّوْمِ فَإِنَّهُ لَهُ وِجَاءٌ)

اسال ان يطهر قلوبنا ويحصن فروجنا
وانا ما اكلمك لاني عمري كبير . لا انا اكلمك وانا لسى شباب .


up 2 down 2



اهلا


انا عندي الطبلون لازم فاضي ما احب يكون شي فيه

اما دوسة الراكب الله يعينة كل شي ارميه عند الراكب

مثل اوراق ، علب بيبسي اكياس

حتى ادا اوصل ارميهم في اقرب درام 


up 1 down 0
عمر الزمان 672
قبل 8 سنه



مكتب وبقاله ومطعم وانا عندي زياده غرفة نوم + ورشة


up 2 down 0
ابوسعد990 369
قبل 8 سنه



أنا لو تفتح الشنطة تلاقيها محل قطع غيار خخخخخخ
أي قطعة أغيرها بالموتر أحط القديمة بالدبة وأنساها..
وعندي عزبة وسجادة وسجادة صلاة وعلب مناديل من هالمحطات وجراكل ماء وكل شي
وداخل السيارة عاد أعوذ بالله فيها كتب ومذكرات وبراشيم من أيام الثانوي خخخخخخخخخ
وثوب وشماغ وشرابات وبوت هههههههههههه

تصدق توني يوم فكرت بها انتبهت ان سيارتي حوسة يبيلها نفض


up 2 down 0
أبو درعان 522
قبل 8 سنه



معليش على المخرج يا شباب
واعتذر لحبيبنا انيق
الرجال ما شاء الله تبارك الله شايب واهنيه على اخلاقه الطيبه وسعه صدره


up 1 down 0



يابوي انا سيارتي غرفة نوم بعض الاحيان انوم فيها  وحاط فيها مخده هههههه   والشنطة دولاب ملابس فيها فرشة وملابس وعدة شيشة هههه والوضع ماشي والحمد لله


وضعكم طبيعي وسليم وانا زيكم وصاخه بكل مكان بسيارتي القديمه وملابس وعزبه بالشنطه 
هذا طبيعي وعادي 

بس ولد عمتي حاله خاصه طبعا عزابي وساكن مع اصحابه وحالته مأساويه من كثر الوصخ لقيت معجون اسنان في المرتبه الي ورا خخخخخخخخخخخخخخخخ
وعلب مويه وعلب ببسي وطاقيات و شواحن جوالات وعلب دخان خخخخخخخخخخخخخخخ طبعا حاط ملابسه بالشنطه 



up 1 down 0
ryan702 466
قبل 8 سنه