كم يسوى ددسن 2004

انا افيدك انشاء الله بهذا الموديل
شف اذا لقيت موديل 2004 GL-E نظيف خالي من الصدوم ومحركاته كلها نظيفة انت محظوظ لأن اقوى وانشط مكينة وقير ودفرنس حق 2004 واذ لقيت سعرها من 25000 الى 35000 ممشاها تحت 90000 توكل على الله والله يرزك بالموتر اللي في خاطرك
+1

الدداسن بحر والسعر على حسب النظافة بس مايتعدى 38 ونازل بس فعلا من افضل واقوى الدداسن 2004 وتحت

بيض الله وجيهكم وماقصرتوا
يعني مايسوى 40 الف .........

اذا ماشي 100 وتحت وبدي وكالة وانت بتستخدم يسوى 40 الف قبل شهرين ددسن 98 بيع ب 40 الف بس اشتريه ولا 2014

اخوي بريق الرياض الله يعطيك العافيه على ردك
لكن انا اشتري 2004 ب 40 الف ولا اشتري 2014 
لان على حسب مااسمع من الناس ان الموديلات الاخيره
سيئه جدا من جميع النواحي ....

الله يعافيك يالغالي تبي الجد الجديد ماصلح لي ولابلعته احس بديه كرتون والمكينه الومنيوم غير كذا اللي جربوه ناشف في المطاب ولافيه راحة احد قرايبي شراه وباعه ماشي 40 الف لانه كان ينقص زيت وعلى يدة وكالة بس 2014 قالو دفرنسه مثل 2004 بس ماجربته بس نصيحه اذا بتشتري عندك من 2001 الى 2008 بصراحه اهي اللي تحس انها ددسن بالعربي الياباني غير

اذا بتاخذ جديد لاتبعد من الهايلكس الخليجي صح غالي بس قيمته فيه النافارا حلوه الا اني ماتوفقت فيها عيبها الحراره والمكيف مابه زود كنت محتار مثلك والميزانية مابه زود اخذت لي ددسن 2003 وماشي حاله احسن من جديد مايسوى قيمته واي استفسار حاضر

بيض الله وجهك وعز الله ماقصرت
بالنسبه للددسن الجديد مااحد مدحه ابد
خالي شرا 2012 وباعه مامشى عليه الا 15 الف
يقول عزمه بارد وتعبان وقاسي ماهو الددسن الاول
والنافارا والله معجبني شكله ومواصفاته وسعره
بس سالت مهندس في شركة الحمراني قال مايصلح
خراباته كثيره والددسن احسن منه عملي وخدوم
واما الهايلكس لاتكلمني فيها ابد اكرهها كره العمى
وفوق كذا اسعارها خياليه حتى المستخدم
نفسي والله فالددسن 2004 او 2005 والله عاجبني
ويقولون قوي وعليه مكينه وقير ماهي فالدداسن كلها
وفوق كذا عملي وخدوم ويكرف تكفيك مقدمته احسن من الدداسن الاخيره
وتحياتي لك وللجميع ....

ماسوينا شي وناخوك تستاهل الطيب يالغالي
فعلا النافارا موتر بس فيه عيوب مب بسيطه والهايلكس كنت بشتريه بس اكرهه مع انه منتشر بقوه اما الددسن بصراحه عمليه عندك من 95 الى 97 سيارة خفيفه نفس ولاتشق بك وعمليه عيبها الكربريتر بس ومن 2001 الى 2005 اهي قمه الدداسن ال 2008 حلو بس مبالغ في سعر النظيف منه الله يوفقك ويبارك لك في مشراك