ابي مشورتكم يالربع في نيسان ددسن

ماني خبير بالدداسن كثير بس ترا الدداسن الجديده يجي نوعين فيه ياباني وفيه اظاهر مكسيكي او تايواني

اخذ الياباني وانحش من المكيسكي وتقدر تعرف هالشي بكتابة بلاد الصنع لافتحت الباب تحصله تحت

وبخصوص الموديلات ما أشوف فيه فرق كثير اهم شي ياخذ فل كامل

وإن شاء الله الأخوان يفيدونك أكثر

بالتوفيق ،،

راح زمن ددسن يباني   الحين ماليزي ومكسيكي اتمنى من اصحاب  دقس يفدونك عن موديل جديد بتوفيق 

الله يوفقك ويجزاك خير 
كفيت وفيت يالغالي

هي ثلاث انواع فقط وكلها جايه من الخليج حتى اللي عند العيسى مستوردها من الخليج
الاولى استاندر وتجي داخليتها رصاصي وقزازها هندل وهي قليلة لانها غير مرغوبة
والثانية نص فل اللي هي بخط وقزاز تماتيك 
والثالثة فل وتجي بدون خط وبجلدة تحت الباب وقزاز تماتيك ومراية تماتيك وريموت للسيارة  
وكلها مكسيكة (تجميع المكسيك) كان فيه  2011 تايلندي وانقطع وكلها حول بعض مافي فرق 
وباعكس من يوم جات من الخليج رخصت اسعارها

اذا تبي نصيحة مجرب ............ خويي مجرب الدداسن كلها ويحس ان ما فيهن عزم ولا يصبرن والحين حصل له حل ............شرا ددسن 2012 خليجي نفس الي فالصورة الرابعة عندك ................. ويحلف انه احلى من الجدد بـ200 مره


..تحياتي..

خذ لك نافارا اطلق و سعرها جديده ب65 الف فل قير اوتو
ريح ظهرك يا رجال

ياطويل العمر انا زيك بلشت وش اشري كنت ادور الياباني من ٩ وتحت ولا لقيت النضيف
وبعدين ادور ال١٢عشان انها ما بها فصله يعني تجيب ال٢٠٠ولا لقيت وشرين١٣احسها عادي ما تفرق واجد
العيوب ب١٣اذا تفتفت بالثالث وتبي تعشق بالرابع يقر القير لازم الضغط تحت خمسه عشان تعشق
والثاني اذا انت مشغل اللمه اذا فتح الباب تشتغل وانت ماشي بالطريق وفي مطبات قويه زي اللي تجي بالعبارات تشتغل وتطفي يعني الباب يرقل
ومع الطريق تفصل ب١٧٨ يعني ما تجيب١٨٠وفصلتها قويه ترجعك ١٧٠
واللمه اللي عند المرايه فوق شايلينها
والصدام اللي ورا كبير اي طقه تجي بالبدي 
ومع هاذي تعتبر زينه اشياء بسيطه وتزبط مثل كمبيوتر ٢٠١٢وصدام ٩ومراوح سوباروا واذا تبي تشيل الربل يكون احسن
والسياره لها اسبوعين معي كل شي جاها ومع هاذي ما اشوف فرق واجد 
والرساله ذي لكل واحد متردد مثلي عن الجديد لاني استخدمتا 

أنا أرى أنها ما تفرق عن بعضها إلا في أشياء بسيطة ، المشكلة سيارة الدرباوية تصميم قديم أكل الدهر عليه وشرب لا راحة ولا اتساع في الداخلية ، مرتبتها الخلفية ما تصلح غير للأطفال من ضيقها ، النافارا أفضل وأوسع والسعر ما فيه فرق كبير

اخوي دحوم كفيت وفيت يالغالي
الله يجزاك خير

الله يسامحكم ياللي حطيتوا الديسلايك

طيب ياخوان ممكن القئ ددسن 13 او 14 بس صدام مايكوون عريض 
يعني زي حق 12

طيب ويش رايكم ب 2008 و 2009 
فيه ناس  يمدحونها 
اتمن اللي جربها يقول رايه

ياخوان لقينا ددسن 2011 ماسئ حول 120 الف
كم يسوئ تكفووون

انصحك بالنافارا