أضف سؤال أو موضوع جديد          

شريت ددسن بس مشكله في عزمها

up 2 down 2
سيف22 106
قبل 7 سنه و 8 شهر



السلام عليكم ورحمه الله وبركاته

اخواني شريت ددسن موديل 99 وبعد الشراء حصلت المكينه مغيرة الى حجم 2000 حقت موديل 86 زي ماقالي الميكانيكي
وليست مكينه بلدها اللي حجمها 2400

المهم سويتلها شنبر وغيرت سبايك وبلووف وقواعد بلوف يعني نص توظيب وكل شيء ركبته اصلي
وكذلك بواجي واسلاك بواجي وغير صفايه البانزين وسلك الكويل ونظفت الكربريتر.

طبعا السيارة لها الان تقريبا 4 ايام طالعه من الورشه وفي فترة التمرين

سوالي هنا
السيارة صوت مكينتها عالي شوي والعزم كذلك وهوب قوي
يعني يااالله تقوم بالتعشيقه الثانيه؟

اسف جدا على الاطااله
وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام ،، أولاً تأكد من القير

وعلى كل حال ترى مكينة حجم 2000 ، تعتبر صغيره على ددسن موديل 99 وشيء طبيعي إنها تكون ثقيلة بس بحدود المعقول


الله المستعان ناس تبيع سيارات وتغش المسلمين، تذكروا يا أخوان حديث الرسول صلى الله عليه وسلم:( من غشنا فليس منا)
لا يجوز المكر والخديعة وغش المسلمين ..

الله يعوضك بخير اخوي سيف، وان شاء الله تكون سيارة مبروكه والله يعطيك خيرها ويكفيك شرها


up 3 down 2
golden eye 124
قبل 7 سنه و 8 شهر



استمر في تمرين السيارة الى 1000 كم اذا ما نفع رح للميكانيكي وخله يشيك عليها لأن الضمان يشمله لكن اتوقع ضعف العزم لأن الموتر قريب متوضب


up 0 down 0
ابوجلال 72 28
قبل 7 سنه و 8 شهر



انا ما اتمنى الخسارة لك لكن رح للتشاليح وشفلك مكينة ددسن من 2001 الى 2009 بخاخ وشف معا الرجيع كم يحسبها لك


up 0 down 0
ابوجلال 72 28
قبل 7 سنه و 8 شهر



جزاكم الله الف خير

وكلامكم منطقي



up 0 down 0
سيف22 106
قبل 7 سنه و 8 شهر



وياك اخوي سيف ..

وانا استغرب من الأخ اللي معطيني ديس لايك !

هل في كلامي شيء غلط ؟ ولا الدعوة كذا بالمزاج ؟

الله المستعان


up 3 down 1
golden eye 124
قبل 7 سنه و 8 شهر



عوضتك بلايك اخوي قولدن تستاهل


up 2 down 0
أبو ناصــر 1282
قبل 7 سنه و 8 شهر



مكينه حجم 2000 عزمها كذا قويه بس ثقيله ما تنفع للسرعه


up 0 down 0
ابوسعد990 369
قبل 7 سنه و 8 شهر



اخوي تاكد ان المكينه 2000 او 2400 اذا القير خمس نمر فهي 2400 واذا 4 نمر فهي 2000 يمكن الميكانيكي ماعندة سالفه ترى هالايام ماعندك احد ومستحيل تجي مكينه 2000 وقير خامس خذها مني وكذالك بتحصل على غطى المكينه ياحفر يالزق حجم المكينة اما العزم الطايح لازم بعد التمرين وزن بلوف والديلكو


up 1 down 1
بريق الرياض 258
قبل 7 سنه و 8 شهر



عزم المكينه حجم 2000 ضعيف وهي ياباني انا نفس الشي العزم زعيف بس حاول توزن الديلكو وعلى فكره تكد معك افضل من 2400


up 0 down 0
نايف الحنيني
قبل 7 سنه و 8 شهر



السلام عليكم ورحمة الله وبركاته اخوي اذا المكينة حجمها 2000 ترها ماتصلح ترها ماتطول معك احسن انك تبدل
المكينة افضلك بكثير ركب مكينة 2400 احسن شي لك واقوى عزم وشكرا لكم. .....


up 0 down 0
asasas4455
قبل 6 سنه و 12 شهر