أضف سؤال أو موضوع جديد          

الامانه عند البيع

up 7 down 3
سكودر 14930
قبل 6 سنه



بسم الله الرحمن الرحيم 

 الموضوع لفت نظري شخص  صغير بسن معه جيب باثفندار 2007  المهم بطن موتر  حقه رايح فيه  يبي له هوابات فحمات ركب مساعدات اذرعه وزن مقصات 

 الولد قال للعامل حق ورشه ابيك تنفض لي بطن موتر  وتصلح كل شي وتغير زيوته قير ومكينه وتسوي تصفيه للمكينه كامله وتفحصه    قاله العامل بتسخدمه ماشاء الله توك شاريه قال لا والله بس باابيعه 

 العامل قاله بتبيعه مالها داعي تصلحه بعه بحالته قال انا مااحب اغش ناس ابي ازبطه علشان ابيعه ويدعي لي  الي بيشتريه واحب اعلم ناس بالي في موتر علشان مايتهوهق 

 ويدعي لي دعوه طيبه   وانا سالت ولد قلت ليش سياره ماشاء الله حلوه وباين نظيفه وانت خسرت فيه اكثر من 3000 قال والله بطلع سياره صغير وموديل حديث وجيب هذا نظيف وكبير علي قلت الله يوفقك ويسر امرك 

 فا انا من ناس الي احب اصلح سياره واضبطها  اذا جيت ابي ابيعها علشان  تكون سياره نظيفه ومرتبه علشان يرتاح الي بيشتريها 

 لكن بعض ناس وناس غشاشه شريطيه الي ماعندها  ذمه  يلفق سياره  ويلطخها   بس علشان تمشي ولا يخسر فيها ريال واحد بطقاق بس علشان يبيعها  

 فا بيعه طيبه صادقه خير وبركه لصاحب سياره  والشخص الي بيشتريها  منها  بعت سيارتك ماغشيت الي شرها منك  

 ومنها  تكون بريت ذمتك  والله سبحانه  يعوضك  بخير منها  ويسر امرك في بيعه وتجيب لك سعر طيب  بس اهم شي نيه صادقه    








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ذكرتني بعمي راح يشري سيارة للسواق حقه راح لم المعرض لقى اكسنت نظيفة 2010 وقال لصاحب المعرض شغلها ويوم شغالها ولاها يالله اشتغلت والشكمان يدخن اسود ويسأل صاحب المعرض متأكد أنها نظيفة وطبعاً يرد بنعم على كلام صاحبها...
وما ارتاح لها عمي ودور كورولا نظيفة 2005 ونفس السعر والحمد لله الأمور ماشية...

يعطيك العافية وللأسف قلت الأمانة هذي الأيام...


up 0 down 1
acura 3758
قبل 6 سنه



قلبت المواجع ياسكودر 

أنا زوج عمتي وافق بس قال ماراح اشتري لك إلا مستعمل وفي حدود ٢٥ ألف بس 
وانا والله مجبور ووافقت وقلت له يرحم والديك دور لي النظيف خوفي لا اطيح بوحده تبهذلني زي ماركيزي الاول اعوووذ بالله طلع ريحتي 
ادفع لك اقساط واصلح فيها 
والله كملت اجل !! لكن الحمد لله اصلا عادي ههههه

عاد الموتر الي بيشتريه لي مستعمل من معارض الباحه وش رايكم بالمواتر هناك تهقونها نظيفه ولا تعبانه 

اخاف اطيح بماركيز اعبيه مويه كل صبح وفالظهريه تلقاني واقف عند الاشاره ومحتر احتريه يبرد 


اه يالدراهم والله لو معي ٥٠٠ الف بس 
تلقاني فالعيسى  داق لي باترول 2013 
و٣ اكسنتات بريميه هههههه 
وحده لي 
واكسنتتين لأثنين من الشباب ماقصروا معي عزيزين علي ومحتاجين





up 5 down 0
أنيق 17579
قبل 6 سنه



الفلوس تجي ولا تروح اهم شي ماتبقى في ذمتك شي من سلعه خربانه اوخراب في سلعتك لم تذكره و غيرها 


up 2 down 0
ryan702 459
قبل 6 سنه



فوردي الابيض قبل مابيعه انكسر قزاز السواق وشريت واحد وركبته بنفسي وجبت العيد فالدينمو وخرب الدينمو وكسرت كم قطعه جوه
وقتها كنت ببيعه ومب فاضي اصلح اللي تكسر وخرب
ودامني ببيعه مايحتاج اصلحه وطبعا العيب واضح وبعته فالنسيم واللي شراه اخذه مقتنع فيه وقلتله عن مشكلة القزاز وقال ماتهمني هالمشكله اهم شي المحركات والبدي والشاص والكهرب سليمه 
طبعا هو كمستخدم وسياره نظيفه قدامه اعتقد هالعيب ماراح يدقق فيه يقدر يصلحه باي وقت

أنيق وش صار على عمك اللي بيعطيك فلوس الاكسنت ؟


انيق شف لك النترا مكينة كبير 2011 تحصل بالقيمة هذه وزينه وتكد معك
وسكودر مليون ريال حرام ما فييها ولا بركه
زبخصوص الشريطي من عاش بالحيله تاتيه الاهوال والذل ب عيشته


up 1 down 0



الله يرزقنا الجنه ويغنينا بالرزق الحلال والصحه الي ماتقدر بثمن


up 1 down 0



يعطيكم العافيه جميعنا  وموفقين   انيق ههههههههههههه الله يرزقك بسياره تطيب خاطرك 


up 0 down 0
سكودر 14930
قبل 6 سنه



اللهم ارزقنا الرزق الحلال ، وإنشاء الله يبارك لمن لا يغش سلعته ويبدي ما فيها من عيوب ، ومن غش ذمته والمسلمين فإن الله لا يبارك له فيما كسب ثم ترجع عدم البركة في المال والأهل


up 0 down 0
رعد 4 3254
قبل 6 سنه