هــل لدينا عنواين في السعوديه تصل اليها الرسائل والفواتير

اعتقد انه لا يوجد تصنيف محدد وواضح لجميع العناوين .وفيه عندك ممكن بريد واصل اذا تعرف احد عنده يساعدك اوعنوان بريدي عادي

ياخي العزيز انت في دول متقدمه ولاتقارنها بالي عندنا


اما خويك الزاحف بصراحه اعجبني ردي مره مره ههههههههههه


يقول (( قال ماعندي عنوان خلهم يرسلونها على اقرب فرع فيدكس لنا ))


حلوه هذي مره خلهم يرسلونها على اقرب فيديكس عندنا هههههههههههههه

وشلون يرسلونها على اي فيدكس بدون عنوان ولا اي شي

ياخي الشعب السعودي ماله حل بصراحه

تدرس في امريكا وتكتب "اغراظ" كذا !

انت تقارن الثرى بالثريا.....


ميزه السعوديه الوحيده انها بلاد الحرمين (الله عزها بالاسلام)

 خالد هل تعلم بأنك شخص جاهل !!!! هل تعلم بأن حرف "ظ" معضله اللغه العربيه !!! هل تعلم بأن فلاسفه اللغه العربيه  تعمقوا وغاصوا في كُتب وبحور اللغه لإيجاد الفرق بين ظ وض كتابتاً ولم يجدوا لها حل فقرروا في النهايه كتابت أبيات شعريه توضح الفرق بين ظ و ض هل تعلم بأنك انت يادلخ لاتميز بين ظ و ض بالكتابه الا بالحفظ اي بمعنى من كثر التكرر عرفت كيف تكتب الكلمه هذه با لظـ و ض 

يا اخوي الوجيه صحيح كلامك وانا اخوك الحين المطاعم 
تعرف البيت تقوله رقم الصحه والحي وبيت ابو فلان يجيك بظرف 
والبلدية تعرف من رقم الارض اللي يجئ بالصك وغير هذامافيه
يعني المشكلة تدخل بالبلديه والتخطيط والإحصاء لازم هم ينظموا الموضوع
ولا تقارن السعوديه بأمريكا خلنا نكون قريب وداخل دول الخليج قارن الكويت
بالسعودية الكويت فيها مثلا المحافظة وبعدها المنطقة وداخل المنطقة القطعه
وداخل القطعه الشارع وبعد الشارع الجاده وبعدها رقم المنزل او القسيمة
ولو تعرف حتي عمدان النور لها رقم مخصص وهو رقم الصيانة مرقم من
وزارة الكهرباء والماء حتي لو قدره الله صار طاريء من حريق او حالة مرضيه
او حتي حادث بالشارع وانت ما تعرف المكان اللي انت فيه يقولك موظف العمليات
شف اقرب عمود اناره وعطني الرقم اللي مسجل علي العامود ودقائق تحصل سيارة
الإسعاف او الدفاع المدني عندك وفوق هذا نزلت الحكومة الكويتيه علي متجر الاباستور
برنامج مختص بالكويت ادخل العنوان او اسم الدائره الحكومية او حتي متجر او مؤسسه
او شركه تطلع لك خريطة للموقع وما هي الا دقائق توصله بدون عوار رأس او تعقيد
يعني لو تبي طبق السعوديه النظام الكويتي محتاج ل ١٠ سنوات لتنظيم وترقيم المنازل والشركات
والمبكي في السعوديه تبي تراجع المستوصف تعطيهم الملف الصحي وهم يستدلون علي موقع المنزل
واذا تبي تراجع البلديه او المحكمة تعطيهم رقم الارض الموجود بالصك يعني موضوع معقد
واترك لكم التعليق   

يوجد في كل واجهة منزل قطعه حديد خضراء صغيره عليها رقم المنزل

شريت غرض عن طريق النت وصل عن طريق ارامكس

انا مسجل عندهم الحي اسم الشارع 

اتصل علي الموظف سالني عن رقم المنزل اعطيته قال تستلمها بكره الظهر

واذا حبيت تاخذها الحين مر على الفرع واستلمها رحت الفرع استلمتها كان قريب من الحي

اتوقع رقم المنزل هو اللي عن طريقه توصلك الفواتير والرسايل

قل لخويك يروح للبريد السعودي ويطلب واصل بـ 90 ريال في السنة 
وتجيه الفواتير والاشعارات وكل شي والطريقة سهلة جدا

الاسم كامل
رقم الرمز البريدي
الرمز الاضافي
رقم البيت
الشارع والحي

واذا البعثية دولية يضاف اسم الدولة بعد اسم الشخص

انا لي سنتين استقبل كشوفات الحسابات والاشعارات والفواتير عليه 

اهم شي يحدث بياناته في البنوك والشركات الي يتعامل معها وتجيه الفواتير كامله 
واذا حبيت ترسل له شي ترسله له على نفس العنوان 

ترا كلها 90 ريال ويرتاح الواحد من هالهم

foxzx
التطبيق هذا موجود عندنا ادخل على هالرابط وابحث عن طريق الحي والشارع

http://gis.alriyadh.gov.sa/RiyadhExplorer/#

يا اخوي naac2 عندي التطبيق محمله بجوالي بس يا اخوي التطبيق 
هذا بس يشمل الرياض وافتح علي الخريطة وكبرها تطلع علي البيوت 
ارقام هذي ارقام قطعة الارض في البلديه والموجودة بالصك وهي غير 
معروفه عند الناس والعامة يعني اللي يبي يستدل علي عنوان راح يصدع 
راسه علي ما يحصله ولا تنسي ان البرنامج من أمانة الرياض يعني مو كل 
المملكة انت شف التطبيق الكويتي واحكم اسمه كويت فندر والصراحة التطبيق 
مو بس ينفع لأهل الكويت ينفع حتي للزوار القادمين من الخليج 

البريد السعودي  وارامكس يعطونك عنوان ل3 دول امريكا  والصين واليابان  والعنوان يكون دايم لك .
لتراسل وتوصيل الاغراض ا طلبه من البريد او ارامكس