ما هي عيوب التيما 2013 وهل تنصحوني فيها

كلها عيوب ، انا اشوفها من السيارات سريعة التهربد وقطعها غالية و مشاكلها واجد

معي التيما 2009 .. لها اخذتها وكاله اصفار .. والحين مع اخوي .. ماشيه تقريبا اكثر من 200.000 اللي يقولك تهربد كذاب ولا عمره استخدمها .. طبعا اتكلم من موديلات 2009 واكثر ،، الناس اللي يقول تهربد اساله قله انت استخدمت السياره ،، بيقولك لا بس الناس يقولون كذا ،، تقبل مروري 

 ما انصحك بالسيارة 
أعرف شخص معه التيما 2010 زميل معي في العمل 
بين كل عطلة وعطله يطلع لاهله حوالي 650 كليو 
ضرب عليه القير والسيارة لها تقريبا 9 شهور مطلعها من الوكالة بوقتها طبعا 

صلحها على الضمان بوكالة الحمراني 
في البداية قالوا له التكلفة عليك لانك ما تلتزم مع بالصيانة 
وتهاوش معهم لحد ما وافقوا 

والرجال مقتنع وهم الظاهر انه فيه مشكلة بالقير 
مصنعية 
تعرف قيور النيسان تقريبا على النظام الجديد CVT 
الاكيد 
انه يسخن ويحتر على المسافات الطويلة 
ولو تتدخل على منتديات نيسان العربية بتعرف اكثر عنه 
هنا يجي دور الوكيل في تطمين العميل من ناحية توفر ورخص القطع من ناحية عمالة ماهرة ومدربة
دور الحمراني هنا ذبح العميل من الوريد الى الوريد


نصيحتي لك 
أبعد عن نيسان بسبب بوكيلها السيئ بدرجة إمتياز مع مرتبة الشرف 
لا قطع متوفر وغالية ولا عمالة مدربة ولاشي  ولاشي 
سيئ الحمراني سيئ جدا خرب وشوه سمعة النيسان ولطخها بالارض

اننننننحششششش انا معي التيما والله انواع الهربده تقول كرسيدا موديل 85 والله غلطه اللي يطلع نيسان نصيحة انحش..

التعليقات اللي فوق .. حالتكم وحده من الثنتين .. ياانكم تتكلمون بشي ماتدرون عنه ولا جربتوه  ،، او ان الالتيما اللي عندكم صانعها في الحوش حقكم .. بالنسبه للعيوب المصنعيه لبعض السيارات هذي تسير في اغلب الشركات .. انا كلامي عن السياره بشكل عام وليس العيوب المصنعيه ،، تقبل مروري 

خذ النيسان وانت مغمض واطلع لدول الخليج وشف كل سياراتهم نيسان و الحين عند العيسى و الالتيما فيها موصفات ما تجي في اطلق سياره من تويوتا خذها ولا عليك من عذال النيسان

اخوي اشتر الالتيما ولا تشاور أحد صدقني كل الي يذمون يفتون من رؤوسهم عندك العضو salman_s_s
معه التيما 2005 للحين وهو يكرفها ويذمها ياخي اعتقها لوجه الله سياره راح عليها فوق 9 سنوات
وباقي معك ماشاء الله هذا دليل على الجوده النيسانيه ومالومها يوم تخرب السياره انتهاء عمرها الافتراضي جميع السيارات الجديده 5 سنوات كثيره
وموديل 2013 والله ماتحس بالمطب ومريحه لفوق ماتتصور وادخليه هلوز دلع ومواصفات يحلم بها ناس مايحصلونها الا بسيارات اسعارها فوق 150 الف 
والعيسى الآن وكيل لنيسان يعني اشتري وانت متطمن من ناحية ضمان وقطع وصيانه 

والله يعطيك خيرها ويكفيك شرها

نعم انا ماقد شريت ألتيما ولا قد جربتها لكن قد شفتها بالطريق و ماعمري يوم مريت على التيما الا ومحصل فيها عيب ، أما انوار السيارة الامامية و الخلفية طافية او الشكمان يحك في الارض او الصدام مفكوك او السيارة طايحة على جنب او لها صوت مزعج او ... الخ

ي اليابان هذا يحصل في كل السيارات النكروفه و الملعون خامسه ولا الي يحافظ عليها قسم بالله تبي تعيش

اعتقد ان السيارة طيبة والدليل واحد من زملائي لديه التيما موديلها 2006 طلعها وكالة في سنتها وسواقته يالله لك الحمد مطارحات وسرعة ويوميا يمشي عليها مسافات لان بيتهم بعيد عن عمله وخلص الخمس سنوات وبعدين باعها عشان مشكلة بالمكيف اعتقد ويبي جديد ,, بس المشكلة لما تجي تبيع يطيح سعرها بشكل مخيف مدري ليه ...

انا معايا 2013 زي العسل معايا ماعمرها اشتكت من شي زيت وبنزين ودق سلف ودز مكان ماتبي 

الي اسمه اليابان هذا من امعات التايوتا وشكرا

معاي التيما ٢٠١٣ أخذتها من الوكاله العيسى  
اول مشكلة حصل على التكيف 
غيره الثلاجة و رديتر و كمبروسر كان السيارة ماشي ٤٠٠٠ الف 

الان المشكلة الجديدة على القير في اهتزاز على السرعات المنخفض
روحت الوكاله قالوا لازم تغير قير جديد 
معقولة تغير قير على ١٢٠٠٠٠ ك و مالها ٥ سنين 

انصحكم بعدم شراء نيسان و خاصتا قيور cvt ما يتحمل قير حساس 
عندي بلاغات و شكوى على العيسى وراح اشتكي ان شاءالله رسمي معايه 
الأوراق حق الصيانة و الزيت موجودة 

نيسان سياراتها مشاكلها كثيييييره من واقع تجربة لي وخاصه القيور والمكاين

السلام عليكم بلنسبة لنيسان التيما 2013 البعض ينصح والبعض لا أفيدوني جزاكم الله خير انا بشتريها اليوم تنصحون وش رئيكم