نصيحة لأخوكم رجه في صني 2013 الشكل القديم

نفس الرجه عندي 2010 غيرت الكفرات جديده ورصصت ما نفع ابو يمن يقولي تحتاج ترصيص ارضي امكن انت زيي

شف اخوي اول شي

لازم يكون جوابك واضح

لما تجي الرجه وانت ثابت مثلا على 100 الرجه تكون موجوده

او اثناء مثلا التسارع يعني لما تبغي تمشي من 80 الى 120 تجي الرجه ولما تثبت على 120 تختفي الرجه


اذا كانت الاولى فعندك مشكله فالكفرات او ترصيص

وطبعا لاترصص الى ارضي عند العضيب واذا كان في مشكله بالكفرات الترصيص الارضي
بيبين المشكله وبيقولك الكفر هذا خربان


اما اذا كانت المشكله الثانيه

فهي من العكوس

وسلامتك

الله يجزاكم خير على الاجابة ماقصرتوا
وعندي من 80 كل ما اسرعت الرجه تزيد وكل مازدت تزيد الرجة وما تروح لو ثبت السرعة على شي معين يعني مشيت 120 تقعد الرجه معايا إلى ان ارجع السرعة 70 وتحت وتختفي

لا انا عندي الرجه فوق 120 تحت مافي اي شي الحمد الله انت عندك مشكله غير الي عندي ههههههه

كانت معي نفس مشكلتك بالضبط نوع السياره اكسنت ,, غيرت لها كفرات جدد وسويت لها ميزان وترصيص عند البنشري والحمدلله رجعت وكاله 

سوي لها ميزان وترصيص وباذن الله تصلح

السلام عليكم يا الربع ... بالنسبة لموضوعك ياخوي انا من رأيي لا تستعجل وتروح تغير كفرات ولا تروح ترصص اول شي رح للعضيب او اي ميزان كويس ومعروف وخله يشيك على الموتر من تحت وبالاحرى العكوس وكلش يمكن لاقدر الله مهب انت واحد من اخوانك ولا احد خذا منك الموتر ورقى به شي ولا انه عيب مصنعي في السيارة الاسباب واجدة فأنت شيك عندهم وتأكد وان شاء الله تكون العله بسيطة وتنحل بأذن الله ... واذا قال لك الموتر مافيه شي تأكد من الجنوط يمكن واحد معفوط من رقيت رصيف ولا جفره وآخيرا خل احتمالك هو الكفرات والترصيص تقريبا انا عطيتك اهم الاشياء اللي ممكن تكون سبب في الرجه رح تأكد ولاتنسى ترد لنا ولا تنسانا من دعواتك ... اسف على الاطالة تقبل مروري وشكرا

الله يجزاكم خير على الردود مشكور
مشكور مشكور

عندي صني 2010 و كانت عندي نفس المشكلة ،، نصيحة لوجه غير الكفرات افضل ،، الشكل القديم كفراتة صينية تعبانة و مزعجة،،

الخطوات الي تعملها ::

تأكد من ضغط الهواء تبع الكفرات (خليه نفس الضغط الي مكتوب على باب السائق).
اذا المشكلة لازالات موجود عليك (بالترصيص الارضي).