أضف سؤال أو موضوع جديد          

مشكلة في مكينة صني 2011

up 2 down 0
allaoe 798
قبل 9 سنه و 8 شهر



السلام عليكم ورحمة الله وبركاتة اخواني الاعزاء 
انا شريت صني موديل 2011 بعد ما طلعتها من الحراج مشيت 60 الا واشوف الحرارة فوق النص ولا اقدر ازود على 60 بعدها رحت الورشة قالو لي عندك الوجية حق الراس او الراس نفسه فقلت اوكي قبل ما اوصل البيت دقيت ريوس عشق بس مايمشي يعني تقعد تحن وهي في محلها وفي d ما يعشق بسرعة  فكان معي ولد عمي قال خليني ادق على واحد يعرف في السيارات فبعد ما دق علية قال السيارة مادام 2011 فعليها ضمان 
فانا سؤالي هل في الحقيقة يشملها الضمان مع اني المالك الثاني  اولا واذا كان مايشملها ابغا اعرف سعر القير وسعرتغيير الوجية والله اني خايف ان القير يبي له توضيب لاكن الله يعين ولكم اجمل امنياتي لكم  بالتوفيق ولكم الدعاء لكل من يدخل ويقرا موضوعي وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لاحول ولاقوة الا بالله 


الله يعينك اخوي الغالي

ممكن سوال فضلا لا امرا

كم له الموتر معك...........؟؟


up 1 down 0
الجنرال2012 6586
قبل 9 سنه و 8 شهر



شف ياحبيبي الغالي 

الراس مايكون بالطريقة الي يقول عليها 

علامات راس المكينه 

ماء من الشكمان ردايتر + حرارة فل + تفتفه بالموتر غير طبيعيه + نقص الماء بشكل مرعب 

علامات الوجه للراس

حراره + تفتفه + نقص بالراديتر ليس كاملا نقص + 


بالنسبه للضمان ياغالي..

اذا عليها ضمان شامل اكيد يشملها الضمان والوكالة تتحمل ضمانها 

اذا فعلا عليها ضمان الله يقويك عليك فيهم وخلك حقاني والحق لك .........

بالنسبة للقير هذا حساس القير للريوس مدقر .....

ااذا موترك يعشق للامام وللخلف واموره تمام شيك على الحساس والكشتات ..... في حساس بالجربكس ايضا شكي عليه

والله يكتبلك السلامه ياخوي


ويجون الاخوان نشاااما شرواك مايقصرون


up 4 down 0
الجنرال2012 6586
قبل 9 سنه و 8 شهر



نسيت اضيف نقطه...

بالنسبة للحراره .....

 شيك على الخراطيش والردايتر شيك لاتجزم للمهندس انه راس الا بالعلامات الي قلتلك وعلمتك فيها 

واذا تبي تاكد انه راس

فك بوجي شف فيه ماء .......... اخوي معه كرسيدا ضرب الراس امس...

 شغلت الموتر وخليته 3 دقايق وطفيت... البوجي عند البيت تحت طلع يخر ماء وعرفت انه راس خارجي وليس داخلي 

الراس للمكينه ياتي  (( داخلي وخارجي ))

داخلي مايلحم ولايصلح

خارجي يصلح ويخرط من جديد

انت ودها كذا محل وشف والله يوفقك


 ولاتنسى كانها على الضمان ودها للشركه والله كريم ويسهلك ياغالي


up 6 down 0
الجنرال2012 6586
قبل 9 سنه و 8 شهر



والله هذا اول يوم


up 0 down 0
allaoe 798
قبل 9 سنه و 8 شهر



بيض الله وجيهكم جميعا ولا انسى الجنرال 2012 يسلمو وشاكر مرورك يالغلا 


up 0 down 0
allaoe 798
قبل 9 سنه و 8 شهر



توني اكتشف اللحين انها كانت اجار لقيت اوراق في الدرج



up 0 down 0
allaoe 798
قبل 9 سنه و 8 شهر



غلطان اخوي تشتري سياره اجار




up 0 down 0
Golden 899
قبل 9 سنه و 8 شهر



والله وانا اخوك مادريت الا بعد ماشريتها يعني خلاص معاد يمديك تتراجع



up 0 down 0
allaoe 798
قبل 9 سنه و 8 شهر



طيب ليش قبل مااخذت الموتر فحصت كمبيوتر


up 0 down 0
ابوهنادي01 1539
قبل 9 سنه و 8 شهر



شوف انا أأكد على كلام الجنرال لانه معه كابريس وانا معي كابريس واي واحد معه كابريس او فورد يكون فاهم بالحرارة والقير :)


up 3 down 0
marwan699 5854
قبل 9 سنه و 8 شهر



انا معي صني مديل 10 عايدي ترتفع الحراره فوق النص اذا مشيت فوق ال140 واذا وقفت تكون ع الثلث وقالولي طبيعي انا اشوف الحراره عادي بس اذا كنت ماشي واذا وقفت تنزل لان النايسان كذا

 



اخوي شيك على البلف حق السيارة وعلى الرديتر يمكن يحتاج صيانه ام يقولك وجيه الزيت مخلوط بماء والا لا  وذا كان الزيت صافي مافيه مويه سو اللي قلتلك . 


up 2 down 0
المتنامي 359
قبل 9 سنه و 8 شهر



لعنة الله على النيسان؟ أحس سياراتهم كرمتوا فضلات؟ بس اللي مستغرب منه كيف هذه الشركة مستمرة لحد الآن ؟ كيف ما خسرت واتقفلت ؟ على كل حال الله يعوض عليك 
allaoe .



up 1 down 2
mcmanaman 1801
قبل 9 سنه و 8 شهر



انت يالي تلعن  نيسان سلامات ياحبيب    الرجال يقول السياره ايجار   يعني بالعربي اي سياره ايجار مكروفه كرف 

 حتى ولو كانت 2012  انا اخبر لك  جيب فكسار استاجرته جديد 2011 فل اوبشن ياشيخ ودك تشب فيها حريقه 

 كراسيد  موديل 80 احسن منه بكثير رايح فيها  سكراب   وهذا علشانه ايجار اخوي الله يعينك دام سياره ايجار اعرفه مكروفه كرررف 


up 2 down 1
سكودر 14928
قبل 9 سنه و 8 شهر



اقول ازين حل بع السياره


up 2 down 0
ابو ندر 2
قبل 9 سنه و 8 شهر



الو يا ناس مع صني 2010 ماشيه 19 الف اشتريتها فحصتها لقيت فيها رجه في العكس ولازم اغير الرمانه والمكينه مفتوحه من قبل هل السياره ايجار ولا لا تكفون انا خايف


up 0 down 0
الحرقاني -22
قبل 8 سنه و 12 شهر



http://haraj.com.sa/112065683/لحماية_مكينة_سيارتك_من_التآكل_تخلص_من_برادة_المكينة/


up 0 down 0
elantra 6639 482
قبل 8 سنه و 7 شهر



بالنسبه للحراره شيك ع بلف الحراره وطرمنبة المويه والراديتر يمكن يكون مسكر والاه يعينك ويسهل امرك


up 0 down 0
ابوبدر555
قبل 6 سنه و 7 شهر



انا اخذت التيما 2005 طلعت عيوني من كثر خراباتها وفي الأخير طلعت تكسي وماشيه 170000 نصيحه لاتثق خذ السياره علی ورشه معتمده وافحص علی اقل من مهلك ولاتفحص الا بالنهار


up 0 down 0
ابو رودين مكه
قبل 4 سنه و 3 شهر