أضف سؤال أو موضوع جديد          

حادث الالتيما وتصليحها بالوكاله ومعاناتي

up 7 down 0
aboamani 1148
قبل 5 سنه و 6 شهر



السلام عليكم ورحمة الله وبركاته..


مثل مانتم عارفين طرحت موضوع عن حادثي البسيط بالالتيما وتضرر الاسطب الامامي يسار مع عفط بسيط بالرفرف


وكان ببالي اصلحها برى الوكاله بس مدري من دعى علي وقال صلحها بالوكاله احسن ودام عل التأمين ماراح يكلف شئ



رحت اليانز بحكم ان الشركة مأمنه السيارة فيها وعطوني خطاب لفرع الشركة اللي بمخرج 18 الدائري باستلام السيارة. يوم وديتها قابلني مصري هناك. حسبي الله عليه بالدنيا والاخره وصخ قال لي مراح نستلمها جيب ورقة اصلاح قلت بالاول انت شوف التسعيرة قال لا . وطقيته مشوار مرور الناصرية وجبت ورقة اصلاح وقال التسعيرة تاخذ عشرة ايام <<بعدها باسبوع كلمني موظف اليانز وقال نسبة تدفعها حوالي 750 ريال قلت التسعيرة جتكم قال لا

وبعد عشرة ايام مريت الصيانه وقال لسى مرفعناش التسعيرة وقلت عطوني السياره خلاص بصلحها برى يوم شفتهم يسحبون فيني المصارية.. قال لا مانقدر نعطيك اياها لازم تجيب خطاب من الشركة وتدفع 300 ريال حقت كرت السيارة؟!؟!

قلت وليه يالوصخ ماكنت واضح معاي من اول وقلت لي هشئ قال انت مسألت . < رد وقح

قمت رحت الشركة وعطوني خطاب ورحت استلمت السياره وتفاجأت بالتسعيرة يوم رحت المكتب واهي تسعيرة القطع والتركيب وماتتخيلوا كم طلعت ؟؟


13.000 الف ريال على اسطب وتعديل رفرفر< هنا عرفت انهم نصابين وحراميه ... المهم استلمت سيارتي لقيت فيها غبرة وتراب ورامينها اخر الورشه والقزاز مفتوح ولاعندهم نظام ولا ترتيب وتعاملهم سيئ

السياره الحين عند البيت لقيت اسطب يسار مو اصلي بس يمشي الحال حق سنه بـ140 ريال والرفرف في ورشة قريبة من البيت قال بيعدل لي الرفرف بدون بويه ويركب الاسطب بـ100 ريال وخلصت السااالفة













لا ولو صلحتها بالوكاله بيلطعوني شهرين تصليح بحكم ان عندهم زحمه وادفع 750 ريال و300 ريال حقت الكرت



فنصيحه اي واحد يصدم بسيارته وصدمه ماتكلف 500 يصلحها على حسابه وينسى سالفة التأمين الا اذا السيارة باسمه مو باسم شركة



والسلام ختااام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اجل اسمع اخوي سوى حادث ونوع سيارته هونداي اللنترا 2013 الصدمه في الصدام و الكبوت ولاصطب و شبك التسعيره في الوكاله لو اقولك تقول روز رايز 11 الف قيمه التصليح


up 3 down 0
ملك الطاره عزام -139
قبل 5 سنه و 6 شهر



أنا واحد من أخوياي كان معاه موستانق كان يسمكرها ويصبغها بويه عند وكالة عبداللطيف جميل تخيل كل السيارات تويوتا وبينها فورد موستانق شكلها تضحك بصراحه كان تعاملهم ممتاز وأسعارهم رخيصه ولا طولت السياره عندهم خلصوها له على طول هذا شغل الواسطات لأنه ممنوع تصلح سياره غير تويوتا بس خويه مضبط وضعه ومنزل له سعر السمكره شوف لو عندك واسطه تعيش في هالبلد ماعندك أمشي زي باقي الشعب xD

فيه ورش أحسن من شغل الوكاله رح صلح عندهم فيه ورشه قالوا لي عنها واحد صبغ البيجو حقته ب28 ألف تشوفها تقول جايه من مصنعها كذا شغل نظييييف كل السيارات عندهم فيراري ولامبورجيني وسيارات غاليه مره بس المشكله أني نسيت أسمها بس ترى أبدا مو رخيصين يصلخونك بسعر خرافي يخلونك تشوف النجوم في عز الظهر :)


up 1 down 0
kaboom smash 646
قبل 5 سنه و 6 شهر



وين اللي يقول تورس صدمه خلفيه كلفت 84 الف ؟


على العموم خذي المعلومات مو بس انت كنت ضحيه للوكالات



أولا: كيا كادينزا من وكالة الجبر: http://cutt.us/MdHt


الكادينزا صدمه فالواجهه كلفت 92 الف اي مايبقارب سعرها الاصلي

ثانياً: فورد توريس من التوكيلات الجزيرة: http://cutt.us/MZd7
http://cutt.us/Uq2k


فورد تورس واللي مسوين عليها زحمه جاتها ضربه فالخلف كلفت 84 الف

ثالثا: فولكس واجن باسات من ساماكو: http://cutt.us/PidO


فولكس واجن باسات صدمه في المقدمه كلفت 172 الف


بخصوص شركة اليانز انا كنت مئمن عندهم وصالي حادث وخلصت الاجراءات بسرعه ودفعت 500 ودخلتها الوكاله وكلفت المازدا تقريبا فوق ال20 الف رغم ان الصدمه كانت فالوجهه كبوت ورفارف وصدام وشمعات والسياره بعد الحادث تشتغل وتمشي يعني الاديتر ماجاه شي مدري ليه غيرو الكفرات بالجنوط ؟



جالسين يلعبو علينا  ...... 13 الف عشان اصطب ورفر ... .  انا شريت اصطب صني  با 90 ريال . ولا تغير لونه سنتين


up 1 down 0
مستر12 861
قبل 5 سنه و 6 شهر



صارت الوكالات شغالة نصب وسرقة من الناس والمشكلة التأمين يمغطك شهرين حتى يصلح لك السيارة حتى يخليك تطفش وتتندم أنك مريتهم

ولما تروح تأجر سيارة من أي وكالة يقول لك مأمن شامل والتأمين يضمن حق الوكالة فقط لو كانت السيارة تالف أما صدمة بسيطة يقرفوك



up 0 down 0
أبو عبادة 4414
قبل 5 سنه و 6 شهر



واحد من الشباب صدم بمكسيما 2010 واجه لكن ماوصلت للمكينه قالي تصلحت في الشركه على حساب التأمين بـ 60 الف انا الصراحه ماصدقته لكن يوم قريت قصتك صدقت

الشركات معروف نصابين زمان ايام الكابرس الصبونه واحد كاتب في الجريده مشكلته مع الشركه صدمه خفيفه كلفته 70 الف ووقتها ال70 تجبله سياره وكاله وان ماخاب ضني انه وقتها الكابرس الجديد توه نازل


up 1 down 0
hoot 243
قبل 5 سنه و 6 شهر



ياهوت المشكله فيه ناس تتوقع انه هذي اسعار قطع الغيار ؟؟ لكن هالموضوع اعتقد بيخليهم يفهمون شوي ويصدقون


سبب ألاسعار ألفلكيه ألتأمين 

لأن ألتأمين يدفع وماعليه ويقولون ألوكاله نحط ألسعر ألفلاني 
واحد أعرفه صدم بـ أكسنت باب وصدام وكبوت ورفرف يقولون 26 ألف 
ههههههههههههههه 

التأمين مدفعها رجعوه له قيمت ألسياره لأنها ماتسوى 


up 2 down 1
a.h.y 1120
قبل 5 سنه و 6 شهر



السلام عليكم ورحمة الله وبركاته .. عندي استفسار ي الاجاويد ماطول عليكم واحد من الريجيل معه فورد اكسبديشن ايجار منتهي بالتمليك والرجال هالشهر يخلص منه يسداد قسط ودفعه اخيره ويحرر الاستماره وقدر الله وماشاء فعل صدم عليه اليوم والخطاء عليه % المهم نوع التامين الاتحاد التجاري < طبعا ايجار منتهي بالتمليك تامين شامل > صالح لغاية 14.9.2013م الاضرار .. كبوت . رفرف يمين . شبك . نور يمين . كشاف يمين .صدامين . ايربآقين الاماميه . حشوة رفرف يمين . وش شوركم ي جماعه الخير والمعذره ع الاطالة .








up 1 down 1
محمد سعيد القحطاني 46
قبل 5 سنه و 6 شهر



ماهي جديده على النيسااان متعوديييييييييييييييييين


up 0 down 3
os 5 -38
قبل 5 سنه و 6 شهر



يا أخي انا معي التيما وصار لي ماصار لك بس يوم رحت للوكالة ومعي التقديرات وكل شئ

بمخرج 18 ما اعجبني الوضع لما قآل لي موظف هناك تأخذ من 18 الى 25 يوم وهي كلها باب

ورفرف مدري مارتحت نهائياً سحبت نفسي من عندهم واشتريت الباب والرفرف من برى

وصلحتها بورشة محترمه في الصناعيه القديمه في خلال 48 ساعه والسياره معي بلا تأمين

بلا بدل تحمل 1000 ريال سلامات سرقه عيني عينك وتجلس شهر باب ورفرف اجل لو الوجهيه

كامله وش سوو بتجلس سنه او اكثر


up 0 down 0
يعني عشانك مملوح -36
قبل 5 سنه و 6 شهر



اشكر كل من مر على موضوعي



والتأمين وشركات السيارات حراميه امسسسسسسك لي واقطع لك





up 0 down 0
aboamani 1148
قبل 5 سنه و 6 شهر



حيرتوني والله لاقدر الله وصار لي حادث طبعاً السيارة باسم شركة اليسر وتأمين شامل لو صلحتها على حسابي الخاص نقول مثلاً صدام وشريته بـ200 ريال لما اصلحها بحسابي الخاص مابيعرفون وبعدين يمكن يعطوني غرامة ولا شىء ؟؟


up 0 down 0
big.moe -2
قبل 4 سنه