باترول ربع 2013

الله يوفقك ،
الناس كل شيء يعيبونه !! ولا سيارة مالقيت لها 100 عيب في النت ،، ولمن تستخدم السيارة تتفاجأ إنه الكلام كان من الرخــيص :)

وفقك الله - اختيار رائع

مكينته الفتك فيها قوة جباره ماشاء الله وهي على جيب ثقيل فما بالك بالربع .. الله يرزقك من واسع فضله ومبروك مقدمها ويفيدونك الشباب

جزاكم الله خير جميعا وننتظر باقي الشباب 
وحبيت استفسر فين احصله فالشرقيه فالمعارض
وفين مكان وكالة نيسان فالاحسا او الدمام 
لاني ماحصلت غير الوكيل القديم ومعارضه مقفله 
وبالتوفيق لنا ولكم 

لقيت ذاك اليوم بوكالة العيسى بالنسيم ربع فتك فل كامل قير تبترونك وثلاجه ودفلك جنوط اخطبوط وخط ماشاءالله عليه رزه ب166 الف
والشاص الفتك فل الا القير عادي 119

اخوي اولا استخير ثانيا بقولك راي بحكم اني مجرب الباترول سيارة ممتازة ولا عليها كلام وهو منافس قوي لتويوتا من سنين ومعروف الباترول يعني  انه مو سيارة اصدارها جديد ثانيا شف مطلبك انت هل انت راعي نفود مكاشيت او راعي خطوط عندك عائلة  ولا عزابي فيرجع التحديد السيارة على ظروف الشخص والموتر فوق الممتاز لكن اذا راعي خطوط خذ اصالون الفتك وعندك عايله واذا راعي بر الربع راح يطربك طرب عمرك ما شفته فيه قوة جبارة بالنفود وشكراا

وفيه ميزة انه اقوى من الربع التويوتا واوسع منه وارسى منه بالخط 

جزاكم الله خير ماقصرتو 
لقيت عليه عرض فالعيسى ب 147 الف فل قير عادي 

بقيمة زود شوي
وخذ هدد

الله يعطيكم العافيه 
رحت العيسى يقول ٢٠١٣ ما يجي فتحت سقف 
ياليت احد يقدر ياكد هالمعلومه واذا كان فعلا ما يجي 
هل الخليجي بفتحه ولا بدون