رد على موضوع ياسر بخصوص الباترول

في فرق بالسحب انك تريوس ومن ثم تدز الموتر بسرعه وفي فرق انك تسحب لين يمتد الواير وبعدين تدعس
وكل تغريزه لها ظروف تختلف عن التغريزة الاخرى اضف الى ذلك السيارة اللي تسحب عزمها نشيط ولا وسط 
مرة غرز سوبر بان مديل 82  اكبر حجم بالجموس حفر لين غطست الكفرات الى درجة اننا حفرنا لين لقينا شنكار للسحب وراعي gxr   حاول يطلعه والله انه عجز اكثر من مرة وجا راعي نيسان ارمادا حوض وطلعه بدون سحب سريع وراعي جيب التيوتا يقول لراعي النيسان والله ماتقدر تطلعه لازم انا وانت مع بعض لكن راعي النيسان طلعه بدون مساعده
وللانصاف جيوب التيوتا قوية لكن ماهي اقوى جيوب بالعالم

http://www.youtube.com/watch?v=fbE3-40l0oM

طالب عنزي سؤال بسيط ؟ مين قال ان تويوتا اقوى جيوب فالعالم ؟ وانا قلت الشروكي في نظري عن تجربه هي اقوى جيوب واللي جربها يعرفها صح بس مشاكلها كثيره وياياسر بخصوص المقطع تراني مب متعصب لاتويوتا ولانيسان ولو اني متعصب لتويوتا ماكان مدحت الشروكي فالقوه وقلت اقوى جيوب هي التويوتا واما بخصوص مقطع الربع نيسان يسحب ربع تويوتا ترى اي سياره يلمس بطنها الارض ماتطلع خلاص وانا وضحت قبل انه النيسان يمتاز بخفة وزنه اللي تساعده على القوه وتقدر تشوف مقطع الربع اللي سحب همر شوف كم وزن الهمر وفوق هذا سحبه الربع واوضح لكم التويوتا يمتاز بمعلانيته وكرفه اكثر من اي جيب اما القوه فصحيح هناك جيوب تتفوق عليه بس هالموضوع اقصد فيه عدة شغلات منها السياره من سواقها يعني لو تجيب غشيم وتعطيه جيب 12 سلندر والله يغرز فيه

تجارب الاسترالين قاره بكبرها الي مختصين بالجيوب اغلبها باترول هذا يدل على الافضليه ليس مجرد وكيل وسعر بيع

معليه اخوي انا اشوف جيوب نيسان في النفود رقم 1 اما الشوراع والاراض الصلبه جيوب تيوتا رقم 1 هذه بشكل عام

اخوي انس
لو تبي مقاطع عطيناك مقاطع 
والغراز يعتمد على السواق يعني لو تعطي سواق فاهم اكسنت قطع فيها الدهنا
ولو تعطي واحد دبشه جيب له رجلين مو كفرات غرز فيه
وعملية السحب تعتمد اللي يسحب البعض يسحب بالدبل الخفيف والكفرات فيها 50 هواء ولا يعرف من وين يجي السياره من شان يسحبها ولعلمك جيوب النيسان اقوي من التايوتا بالسحب ولعلمك الباترول لو بطنه ضرب الارض يطلع نفسه ذيبان بسبب انه ياي ورفيع اما قولت تويوتا اصبر انا معك بها النقطه لاكن الموديلات السابقه و صدقني الجيوب الجديده والله كلها اعطال في اعطال وبدي قرطاس ولو انت بالرياض مر ورش العضيب لندكروزر وشوف البلاي قيور وكوارين وخراب كمبيوتر وهذي روابط هديه لك
     http://www.youtube.com/watch?v=D7YoXaNoUSs
http://www.youtube.com/watch?v=B3OMZpLo1Iw

ابو نادر انا ابغ هديه بعد ليه تعطيه وماتعطين

من خلال تجربتي للجيوب الشروكي بالذات موديل 96 وتحت الكلاسيك قوي جدا وعزم ومايرده شي ولكن اعطاله كثيرة وحرارته ماهي ثابته ولكن ينفرد بالقوة
الباترول 97 وتحت كبليتر طبعا بالنفود حليل وماينكبك يمشيك للي تبي وفي السحب سبق وان طلعت جي اكس اار 2012 فل فيه دوفلوك حتى ولكن سواقه على ما اظن ماعرف له ولكن الباترول نفس ماذكرت وبالازفلت مريح ويتحمل لأبعد حدود وصيانته سهلة ونادر مايطلب قطع واما التويوتا اتكلم عن الاند 94 جي اكس ثقيله قومته وبالنفود مايبغا جور لانه ثقيل واعطاله معدومه وقليل جدا جدا يتعطل ومايصلح للمطامر بالنفود وبالازفلت هادي وماتحس انك ضربت مطب لانه متماسك من الداخل من ناحية الديكورات بعكس الباترول يبغاله تربيط كل فترة وهالكلام عن تجربة

انا اعتقد قوة السحب تعتمد على قوة وتحمل تروس القير 
والنيسان قيره قوي جدا والدليل الجيوب الباترول المعدله قيورها ودبلها تتحمل التغيير الهائل في العزم والاحصنه وايضا الدليل الاخر كذا واحد من اللي جربو النيسان والتيوتا يمدحون النيسان بالنفود حتى لوكان عليه حمل التيوتا مايقيش معه

التيوتا يتميز بانه عملي وفي الطلوع نفسه اطول وعند البيع