هل اذا غيرت مكينة السيارة من 4سلندر الى 8سلندر تنجح بالفحص؟

اسال ناس في الفحص يفيدونك

ايش دخل الفحص في المكينة عايدي والله اعلم مافيها مشاكل

الفحص الزم ما عليه البودي ومعالم السيارة تصير واضحة ورقم الهيكل 
والتهاريب والحذفيات والانوار والمساحات والكفرات فقط 

وما يكون الموتر مكربن 

هذا الي يناظرونه 

الكبوت ما يفتحونه ولا يدرون عنه 

وأزيدك 
قد وديت موتر فيه عامود كردان يبيله خرط ووزن 
الموتر يرج رج مب طبيعي 

ونجح في الفحص 

لك لايك يا naac 2 فعلا كلامه سليم عند واحد من الزملاء هايلوكس مركب عليها مكينة سدرك 6 سرندل ويفحصها ولا يفتحون الكبوت اساسا رغم انها مكينه وقير ودفرنس سدرك 86

يالغالي خذ نصيحة من اخ لاخيه , نصيحة زي الحاجات والله خطييرة جدا جدا جدا على السيارات وبالذات تغيير المكينة والامور هذي ,
السيارة مصممة على انها 4 سلندر وكل شي مصمم لذلكـ فصعب السيارة تقبل شي كبير كمكينة قوية زي 8سلندر , بس حبيت انصحكـ وانت براحتكـ
, بالتوفيق :)

يا رجال سهلات العالم ركبوا محرك نفاث على تريلاه
وطائرة f16 ما قدرت تجيبه :)

بيض الله وجيهكم جميعا
ريحتوني

اذا طبقت على كراسي البلد وكل شي تمام ماعندك مشكله بإذن الله
انا عندي باترول عليه مكينه 8 سلندر امريكي
طبعاً الكارتير والسلف صار مع البطناج يضرب في الدفرنس
اضطريت اركب كارونه خلفيه قدام واقلبها واقلب عامود التوازن عشان يبعد قدر الامكان عن الكارتير والسلف
قبل 3 سنين فحصت عادي وماقالوا شي ولا جابوا خبر
قبل كم شهر رحت بفحص عشان بجدد الاستماره حصلت الشباب شددوا مو مثل اول
ماقالوا شي عن المكينه بس رسبني بالدفرنس وعامود التوازن
مع اني شايل هم الدبه كان الصوت عالي ومشت بس استقعدوا لي بالدفرنس والعامود

قبل رمضان بأيام كنت رايح الفحص معاي كامري
وطلب مني افتح الكبوت واشوف المسارات الباقيه نفس الشي يفتحون الكبوت
بس مادري هل هم مثل اول يدققون في الهيكل فقط او يشيكون على المحرك