ادخلو يا اهل الخبره

نصيحة اي شي غير شد الوكاله لاتركبة , نصيحة

المشكله الاولى هي الايرماس منظم الهواﺀ يبيله تنظيف والطريقه سهله انت تسويها بنفسك بس يبيلها عنايه افصل راس البطاريه وفيه بخاخ تحصله عند الكهربائي ومحلات القطع يتم تنظيف الثروتل به 
المشكله الثانيه اتوقع التماس او احتراق بالظفيره وانصحك تفكه وترتاح

يارجال فك هالزنون ورجع نور بلاده وبتنحل مشاكلك وبتشتغل السيارة زي اول

مشكلة التشغيل من قبل تركيب الزنن

نصيحة لوجهه الله فك الزنون والله ان كثر حوادث احتراق السيارات علي الخطوط الطويلة بسببة لانة يسبب في انصهار اسلاك الظفيرة وتشب النار طبعا كلنا نعرف ان الزنون يسحب كهربا عالية من السيارة يعني السيارة علي طبيعتها لا تتحملة فيقوم بعض من يركب الزنون من اصحاب محلات الزينة بالغاء فيوز السيارة الاساسي الموجود قريب من بطارية السيارة والذي مهمتة هو فصل الكهرباء في حالة الالتماس ولك مني احلي لايك

ان شاء الله في هل يومين بفك الزنن وبركب الاماني اعتقد العيب لينه صيني ليني اشوف ناس كثير مركبه زنن ومحد اشتكا منه

و الله تبي الصراحة لا تركب شيء صراحة أغلب اللي يركبون زنون إذا شغل العالي الناس يدعون عليهم ما تسوى عليك يا رجال 
ثاني شيء أنا موتري لولا ستر الله علي كان أحترق كله و السبب كشافات ..! 
موتري فل كامل بس كانت الكشافات ما تشتغل من شريته " مستعمل " و رحت لكهربائي بدل الكتاوت حقت الكشافات اللي بعلبة الفيوز
ثم اشتغلت لكن ما كملت 5 دقائق رحت من عنده وقفت بمحطة الناس يأشرون لي و أشم ريح بلاستيك قلت يمكن مهوب من السيارة 
شوي أشوف يأشرون ما كنت منتبه و بدأ الدخان يطلع من السيارة صار فيلم فالمحطة الناس ينحاشون و تصادموا اثنين كانوا منحاشين من جنبي
لين جاء العامل الهندي صراحة ما ساعدني من خلق ربي غيره و رش السيارة بالماء طبعاً السيارة طافية 

الاضرار : الكشاف و القاعدة احترقت و ذاب شوي من الصدام من داخل  و الحمدلله على كل حال 

وشلتها كلها و رجعت الكتاوت مثل ما كانت و بطلت الموتر وش زينه بلا كشافات بلا هم 
 و جعت للكهربائي و عطيته كم كلمة و أخذت فلوسي