نيسان ارمادا

وعليكم السلام .. بالنسبة للوكيل وما وكيل فابشرك فيه الحمراني والعيسى .. غير كذا هذا نيسان وثلاث ارباع الورش فاهمه فيه غير عن الصناعية واااجد محلات قطع غيار ( نيسان ) .. ومن ناحية سعره ماعندي خلفيه والله .. بالنسبة للخطوط فهو من شكله ورزته رآسي ومعرف الارمادا في الخطوط والمكيف ماشاء الله ماعليه كلام وشف اختبار تصادم للارمادا ع اليوتيوب صراجة اعجبني وبقوووه تحسه كتله وحده ثقيله .. العيوب يقولون ضيق المراتب ومادري عن كلامهم لاني ماركبته .. بس ان شاء الله باركبه .. المميزات .. مكينه قووويه وراسي وماسمعت احد يشتكي منه .. يعني اذا عندك قدره عليه خذه وتوكل .. الوالد ناوي يشتري له واحد .. هذي وجهة نظري وارجو اني افدتك واسف ع الاطاله

اضافه .. انا احاول اقنع الوالد بما انه بالمره ناوي يشتري سيارة عائلية كبيره .. قلت الجمس !!ستاندر بـ 141000
ومستحيل تمر من شارع بسيط ما تلقى فيه اقل شيء 3 جموس هذا يدل على ايش ..؟ وبصراحة انه اثبت نفسه عن باقي السيارات اللي في فئته .. بس اذا ناوي ع الارمادا فخذه ماهو بطال

انحشششششششششش نصيحه لوجه الله لا تقربه ابد ابببببد .. انا معي 2009 اقسم بالله لو اعدد لك مشاكله ماتفكر تناظر فيه حتى ..

اول شي بعد ممشى 17000 صار له حادث بسيط بالواجهة اليمين .. فقط صدام شمعة رفرف حتى الكبوت والشبك ماجاهم شي ..
تكلفة التصليح 23000 !!!!! ..

ولما وصل ممشاه 50 الف خبط الجربوكس !!! وغيرناه بعد طقاق مع الوكالة على الضمان
وقعدت السياره بالوكالة 3 شهور على ماوصل الجربوكس من دبي وقيمته 25 الف ..

وثلاجة المكينة 3 مرات خبطت .. وقبل فتره قريبة طلعت لي مشكلة غريبة فيه .. المكيف صار مايطفى !!! اقسم بالله اول
ماتدق سلف يشتغل من نفسه .. وان طفيته اشتغل اللي تحت عند الرجول وانتم بكرامه ومايطفى الا اذا طفيت السياره..

اقسم بالله شارع الاسكان كله عندنا بجده اني رحت لكل الورش ماعرف له الا ورشة وحدة ورشة الشمراني .. 

وآآآآخر المشاكل اللي غبنتني بالفلوس اللي دفعتها فيه صارت ازرار الطارة والبوري كلها ماتشتغل الا اذا لفيت الطاره !!! 

اما والطاره مستقيمه والله ماتشتغل لا البوري ولا المثبت ولا تحكم الصوت:$ هذا كله والسياره مالها معنا الا 4 سنين

وممشاها الحين 135000 .. نصيحه انحشششششش شف لك يوكن ولا تاهو ولا سيكويا اما الارمادا لا تقربه قطعه غالية

وصيانته معقده مو اي احد يعرف له .

الارمادا قوية وجبارة بس فيها مشكلة صغيرة كبر الحجم في المواقف

ي thlolb

انت شكل استعمالكم للارمادا جداً سيء وغير محافظين عليه 
الوالد معه ارمادا ٢٠٠٩ اخذه وكاله وممشاه الحين ٦٤ الف ولا قد اشتكى منه ولاغير فيه غير مساعدات لان الوالد يطلع للبر كثير ويسرع بالبر فغير مساعدات وعلى الضمان مادفع ريال فيها 
الاقمشه الى الحين ما غيرها والسياره زي الحلاوه عزم وقوم وفخامه 
يكفيك  مكينته قويه جدا تتفوق على ال VXR
وسعر الفل ٢٠٠٩ على وقته ١٥٦ الف 
واتوقع ال٢٠١٢ سعره في خدود ال ١٧٠ ماراخ يزيد 
واذا انت صامل خذ فئه البلاتينيوم افضل فئه وانا من سكان ابها وعقبه ضلع ي كثر مانزلنا وطلعنا معها وكان معى الوالد قبل الارمادا VXR وغيره واخذ ارمادا علشان العزم وكان القوه من صالح الارمادا السياره مافيها عيوب للي بيحافظ عليها 

خذلك اسكويا افضل منه
ترا فيه ناس كثيرين تبهذلو منه
كل يوم في الصناعيه
انحش 

انا معي ارمادا 2010 LE من وكالة الجبر من احسن مايكون لاصناعية ولا شي بس نصيحه بعد عن الاستخدام الامريكي لان مشاكله كثيره

الوالد  معه 2006ماشي 400الف ومن احسن مايكون