افضل كهرباءى فى جده

في شارع الاسكان وانت جاي من جهة طريق مكة القديم في بعد المحطة اللي فيها معرض تويوتا
يجي بعدها ورشة الندى مختصين فورد بعد الورشة محلات رديرات وبعدها كهربائي فلسطيني اسمه نادر انا مجربه في كذا سيارة ممتاز جدا واسعاره معقولة

وعليكم السلام ورحمه الله وبركاته

اخي تأكد إنو مايتم إقلاع (تشغيل) اي محرك بدون 3 اشياء
1- الوقود
2- الهواء
3- الشرارة
لو فيه خلل في إحدى هذه المقومات الثلاثه مستحيل يشتغل اي محرك

انت غيرت الطرمبه حسب كلامك
فيه لي داخل التانكي موصل للطرمبه لو فيه شق (شطب) ممكن يسوي قصر في عمليه ضخ الوقود
وإحتمال انه يسوي مثل بدايه المشكله عندك تشتغل تمام بعد فتره تطفى
ايضاً يوجد فيوز كبير داخل الكبوت ويوجد فيوز آخر داخل الطبلون خلف الدركسون لازم تفك الديكور عشان تطلعه
وكلها خاصه بالطرمبه وتوصيل الكهرباء ومكانه مو مع مجموعه الفيوز بالعاده في نيسان يكون فوق مجمع الفيوز الداخلي
فيش الطرمبه لو مو راكب كويس تلاقي السلف يدور والبنزين واصل لكن بدون تشغيل

حساس قربه الهواء
لو فيه مشكله ممكن يسوي تفتفه قويه وواضحه وممكن ما يقوم السيارة

لو سبق وصار حادث بواجهه السيارة او دخلت ماء ووصل لأجزاء المكينه الاماميه
إحتمال يكون حساس الكرنك تضرر
لو الديلكو مو موزون صح ماراح يعطي البوجي الشرارة اللي تقوم السيارة

اخيراً في بعض السيارات يكون لها فاصل للطرمبه
بحيث لا قدر الله وصار حادث قوي من الخلف او حريق يفصل وتقف الطرمبه عن ضح البنزين
في الفورد موجود بالشنطه
الهوندا ايضاً موقعه فالشاص اسفل
تأكد من سيارتك اذا موجود هذا الصمام او الفاصل

اعرف طولت عليك
لكن انا اعطيتك جميع الاحتمالات عشان لما تروح لأفضل كهربائي
لا يسوي عليك انه عالم ذرة ويكون عندك خلفيه
وياليت تقول لنا وش صار معاك بعد ماتحل المشكله
في امان الله

ابو فراس ٣ وأبو كيان منجد يعطيكم  ألف عافيه والله يسعدكم  دنياه وآخره يارب وإنشاء الله باوديها الأسبوع الجاى واشوف وقلكم وش صار