أضف سؤال أو موضوع جديد          

الموديلات القديمه لأبد من تنظيف الرديتر بستمرار ........

up 19 down 5
ماجد mot 10850
قبل 8 سنه و 4 شهر



.
.
صباح الخير او مساء الخير علي الجميع دون استثناء ....
حيا الله الجميع بصحه والعافيه .....
.
الكل عارف ددسني المزبرق القديم  طبعا مثل هذي الموديلات تحتاج نظافه واهتمام والحمد لله الرديتر عندي مضبوط ولكن زياده الخير خيرين ومن الفضاوه 

مشــروعي لترمـيم وتجـديد ددسن ابومطلق 1979م ....... يامراحب
.
امس العصر من الفضااوه رحت شريت مويه رديتر الزامل ودخلت الددسن بالحوش  وتجزهت للتنظيف ........
.
.
وراح اترككم مع الصور بالشرح ........
.
الخطوات الإستراتيجية من العمليه .....
.
1 - طبعا اول صوره مكينه الخيااطه هههههه بدون زئبق .......
2 - اول شي تفك اللي إلي فوق بأول الرديتر .......
3 - تجيب لي المويه ويفضل  ضخ  قوي جدا مثل دينمو الحوش ... وتدخله بفتحه الرديتر .... لا يروح فكركم بعيد للمعلوميه
4 - وتشغل المكينه ولي المويه مفتوح ......
وبكذا المويه تدخل الرديتر وتطلع المويه الاولى المتسخه  من اللي انت فكيته واترك لي المويه فتره وطبعا بمساعده احد الاخوان خليه يدعس البنزين ليطلع كميه كبيره من الماء المتوسخ من المكينه 
وبكذا حتى ما تشوف المويه صارت نظيفه تطلع من المكينه وبكذا تطفي مكينه السياره وتسكر المويه 
وبعدين ما تخلص من التنظيف تفك اخر لي بالرديتر من تحت علشان المويه الباقيه بالرديتر تطلع 
ولما تنزل المويه تجيب جراكل مويه الرديتر الجدد الزامل او اي شي ماء رديتر علي حسب رغبه الزبون ...
وبعدين تعبي الرديتر بمويه اخضر .......
وبعدين تشغل المكينه لان المويه راح تلاحظها تنقص 
علشان تزودها .......
.
منقول للفائده .......
.
واتمنى اني كفيت ووفيت بطرح الموضووع ....
.
وللمعلوميه جميع راديترات السياارات  نفس الطريقه بالتنظيف والعمليه ....
.
مع تحيااتي لكم جميعأ بالصحه و العافيه ......
.
.
تحياتي واشواقي لكم ........
فاصل ونواصل غدا بمواضيع جديده
.
ابومطلق ....
.
تابع الصور .....
.






















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله تبارك الله .. 
الله يعطيك خيره ويكفيك شررره .. 
حلووو إنك تشتغل بنفسك أحسن من الخساره .. 
ومشكور على نقل الموضوع وتستاهل لايييك . بس بغيت أعرف , ضروري للسيارره القديمه تنظيف الرديتر بين كل فتره وفتره .. ؟ .. ؟ 
وكم تكوون الفتره .. ؟ ؟


up 1 down 0
عاشقـ الماركيز 3498
قبل 8 سنه و 4 شهر



الله يعطيك العافيه ..
حضورك مكسب للمنتدى مواضيعك مفيدة ورائعه ..واحلى لايك


up 0 down 0
talal abdullah 5421
قبل 8 سنه و 4 شهر



عاشق الماركيز 
الافضل تنظيف الرديتر مع دخول الصيف كل سنه ومايضرك في شي 
يكون الرديتر نظيف والحراره تمام 
ومشكوررررررررررر علي المرور


up 1 down 0
ماجد mot 10850
قبل 8 سنه و 4 شهر



طلال العبدالله 
انت المكسب وردك يدل علي حسن ذوقك واخلاقك ....
يعطيك العافيه ...
.


up 1 down 0
ماجد mot 10850
قبل 8 سنه و 4 شهر



مشاءالله سيارتك زاحفههههههههههههههه من كثر معاشت في
الصحراء النفوذ


up 0 down 0
فتى النرجس -89
قبل 8 سنه و 4 شهر



ما شاء الله تبارك الله على الددسن الله يطعمك خيره و يكفيك شره تف بعين الحسود تف !!!!!! كان ودي إنك ما تنزل صور الددسن

لأن في ناس عيونهم حارة بالحييييييييل ترسل موجات عبر الأقمار الصناعية هههههههههههههههه , عالعموم أنت يا أبو مطلق ما 

يحتاج أمدح فيك أنت مكسب من مكاسب المنتدى و عضو معروف بأخلاقه و عظيم المجهود اللي تسويه بمواضيعك و يا ليت والله

كثير من الأعضاء يحذون حذوك في جمال المواضيع و يكسبون من خبراتك الجيدة في السيارات و تقبل تحيات مُحدثك

أبو صالح .


up 0 down 0



حاولت اقيمك بالموجب ورفض كالعادة لاجيت اقيم لازم تقييم بالسالب عشان يقبل يقيم بالموجب بس مو راضي وجاك تقييم سالب بالغلط
الف شكر اخوي ابو مطلق اتمنى اشتغل على الاشياء البسيطة بسيارتي بنفسي 


up 0 down 0
مافي معلوم 91
قبل 8 سنه و 4 شهر



فتي النرجس ....
عشقي البر والنفود و الطلعات البريه ....
لاتحرمني من وجودك في مواضيعي ....
.
ابوصالح ....
اسمأ علي مسمي فعلأ انك صالح .....
الحمد الله المكتوب حياه الله مو اول مره انزل الصور اكثر من مره وماشفنا لا كل خير ...
والناس فيهم خير يحسدوني علي ايش ددسن كسره لا راحت و لا جت .......
بارك الله فيك علي الرد ويعطيك 1000 عافيه ...
.
مافي معلوم ....
من اسمك تذكرت اليموزين ايش كلام مافيه معلوم ..... ههههههههههههههه
امزح معك يابعدي لاتشيل في خاطرك ....
يارجال الغلط مردود ووسع صدرك وركب سدرك ....
مشككككككككككككككككككككككككككككور يا مافي معلوم ...
.
.


up 0 down 0
ماجد mot 10850
قبل 8 سنه و 4 شهر



ماشاء الله تبارك الله
طلعت مافي خاطرها المسكينه...ههههههه
ترا كل(ن) واستخدامه....يللي ينظفها فتره و فتره هو يللي كرف السيارة كرف مبرح والعكس صحيح
لك لايك


up 0 down 0
3llawi96 3114
قبل 8 سنه و 4 شهر



ههههههههه ياماجد شكل نص نفود الخراره جوا الرديتر حقك خخخخخخخ



أهنيك ع الشغل وودي أقيمك لكن يقول ( لايمكن تكرار تقييم عضو معين )


وماشاء الله يامراحب وقفته وقفة شيخ


واصل ولا تحرمنا جديدك




up 0 down 0
hmada1213 2018
قبل 8 سنه و 4 شهر



مشكور حبيبنا ابو مطلق 

متالق كعادتك ومتميز في طرح المواضيع 

وفعلا فكرتك ممتازه وتوفر لك الفلوس حقت ابو هنود هههههه 

على العموم رجعتك طيبه وفيها كل خير ان شاء الله لاعضاء المنتدى الكرام والله لا يحرمنا من طلتك ومواضيعك 

وماشاء الله تبارك الله على ابو عزيز يالبى قلبه 

بالتوفيق يالغالي في مواضيع جديده وقيمه باذن الله 

تحياتي .... ابو نواف


up 1 down 0
camry grandi 99 7274
قبل 8 سنه و 4 شهر



الصور هذي كاني شايفها قبل


up 0 down 0
فلاش الفورمات 1137
قبل 8 سنه و 3 شهر



أهنيك يبو مطلق ع كلامك الحلو وروحك الجميله مشاء الله ...




وأسأل الله ان يرزقك من واسع فضله ويرزقك من حيث لا تحتسب...


up 0 down 0
العسيري85 184
قبل 8 سنه و 3 شهر