مشكلتي مع التيما 2008 هل يوجد حل ؟

ممكن مشكلتك من طريقة تشغيلك او ان فيه ماس بالظفيره بس ممكن تقولي كيف يخرب الكمبروسر لانه مثل المكينه يتوضب ايش سبب
خرابه.
وامين وياك والجميع..

والله مدري ايش سبب خرابه

يقعد شهر شهرين بعد الاصلآح بعدين يسير الهواء حار

وطبعا يقولون لازم تغير كرومبوسر

طيب ياعزيزي انت الحين لمن بتروح تصلحه اكشف على الفريون اذا ضغط الفريون تمام وموجود يكون عندك ماس بالكهرب وديه لكهربائي شاطر
اذا مافيه
 الفريون غاز عندك تهريب ارجع للي صلحه وخليه يصلحه على حسابه
اتمنى لك التوفيق وللجميع  

يعني اللي فهمته منك إن الفريون ممكن يهرب

او عندي التماس كهرب

بالامانه كنت ماشي وطفيت على السياره واشتغلت يمكن بثواني وسارت على مرتين و صلحته قبل شهرين من بعد ماخرب المكيف

ياعزيزي التهريب يصير لمن يكون عندك تنسيم باليات او الجلود حقت الليات .
الكمبروسر يتوضب ويتغير لمن يكون البستم ضغطه ضعيف .
انت شوف وافحص عند اكثر من واحد او روح لواحد شاطر فيها يقولك خرابك كذا وكذا وانت اشترط عليه ماظبط ماتعطيه ريال واحد.

والله شرطت ووديتها عن اكثر من شخص وكل واحد يقول غير الكرومبوسر

ويخرب وارجع اتمشكل

اول مره ب 1000 ريال ثاني مره عند شخص ثاني ب 1500 ريال ثالث مره ب 1200 ريال والحين خرب وطفيت السياره بعد ما خرب مرتين وانا اسوقها وصلحتها ب 1200 بالكهرب و 

والوالده الله يحفظها تقول هذي عين ما صلت على النبي تقول بيعها ولا لا تصلحها او خل اخوك يصلحها يمكن تزبط معاه لإن العين جت عليك ومكيف السياره

الله يعينك وبصراحة تبيع السيارة عشان مكيف حرام .. لو ان السالفة قير وظبته اكثر من مره ولا نفع اقولك بيعها

اتوقع الفريون عندك يهرب وانت تشغل المكيف والكمبريسر يحتر ويخترب عليك ..

- اذا انت راعي دعس والمكيف شغال فهذا اكبر غلط بسبب عدم تحمل الكمبروسر للشد والسرعه المفاجئه
في حال ان الكمبروسر اخترب اول شي شيك على الكويل اللي داخل الكمبروسر (غير مرئي)احتمال كبير يكون لكمبروسر سليم بس الكويل اللي يورد كهرب معطوب بالداخل وبكذا مايشتغل الكمبروسر وتفكره معطوب وهذا وارد ومعروف

وفيه شي مهم اللي ركب الكمبريسر مانظف المواصير من داخل بالنتروجين ومعروف ان الكمبريسر لايقبل الوسخ
واذا دخل فيه وسخ ينعطب على طول ويجيم بعد فتره

لازم تنظف المواصير + تغيير الفلتر بالمقدمه اللي يشبه علبة البايسن طويل ونحيف وتركب له مواصير من فوق
طبعا التغيير في حال التنظيف لانه لازم يتغير والكثير يجهل هالامور ومايدري عنها او ينسى !!

- السبب الثاني ان الكمبروسر لايوجد به حساس ولايفصل يتم شغال على طول وهذا يأثر عليه
" طريقة عمل الحساس لمن تشغل المكيف يفصل ويشبك وهذا يطيل من عمر الكمبروسر" !!

- السبب الثالث انك توقف السياره شغاله والمكيف شغال وهذا يعطب الكمبروسر بسبب الحراره
المتجمعه حوله ومعروف ان الكمبروسر مايتحمل حراره مما يؤدي الى ضعف مهامه الوظيفي

- ملاحظه : فيه سيارات يوجد بها حساس في حال اذا ارتفعت حرارة الكمبروسر يفصل وهو شغال
ولمبته شغاله عندك داخل وهو متوقف عن التبريد لين يبرد ويرجع يشبك < احتمال كبير مافيه هالميزه !!

اخوي اذا انت من اهل الرياض
فيه كهربائي اسمه نمر بصناعيه الميه
كلمت فنان فيه قليله روحله وهو بيضبط موترك بس عيبه شغل يده شوي غالي

معليش بس انت تقول انك غيرت كمبروسر صح ؟

من وين اخذته ؟ لأن قيمته الاصلي جديد حول الـ2200 ريال هالكلام للالتيما سته سلندر و الاربعه سلندر راح تنقص شوي مستحيل تكون 1100

انا خرب علي الكمبرسر و غيرته بواحد جديد اصلي سعره 2350 من الصناعيه القديمه ماخذه و حصلت ماليزي درجه اولى بـ 1500 و حصلت مجدد بـ 1200 ريال

فـ تأكد من اللي انت تغيرهن .. كمبرسر الالتيما معقد ولا احد يعرف يصلحه اي واحد يقول لك اوضبه لك نصيحه احفظ فلوسك ولا تسمع هالكلام غير جديد بدال ماتخسر حول قيمه الجديد ولا تستفيد شيء وانا اتكلم عن شيء واثق منه 100% .. كمبرسر الالتيما + الباثفندر 3.5 + الماكسيما 3.0 و مكائن الـVQ بشكل عام نادر جداً اللي يعرفون يصلحونها و اساساً اغلب الفنيين يرفضون اصلاحها يقول جب جديد و اركبه لك اما اللي يبي يترزق من وراك و بيتفلسف بيقول لك كلتش ولا رمان ولا كلام فاضي

شف فرغ الفريون بعدين اضغط هواء و افحص التنسيم اذا نزل المؤشر فيه تنسيم اذا استمر على الثبات يعني ماعندي تنسيم .. لأن ممكن عندك تنسيم بالثلاجه او حساس العلبه حق الكمبرسر .. غالباً ترا الكمبرسر اذا كان خربان راح تسمع صوت غير مألوف اذا شغلت المكيف يتغير صوت المكينه و هذا غالباً صوت الكمبرسر اذا صار على باب خراب

تابع للرد السابق:

او عندي لك نصيحه افضل , اطلب لك من امازون كمبرسر نيسمو و طبعاً ماركه نيسمو اساساً اصليه و نيسمو مصنع تابع لنيسان مثل دينسو تابعه لتويوتا

اطلب لك واحد من امازون راح يطلع عليك ارخص

انا اخذ مستعمل اخو الجديد على كلام صاحب الورشه

لكن شكلها عين 

لا عين ولا شيء وانا اخوك كيف تشتري مستعمل و تقول عين

مافيه سياره بالسعوديه الا والكمبروسر حقها مكروف على خشمه عشان كذا اقول لك لا تاخذ مستعمل ابداً خذ جديد و وفر قروشك بس .. و مشكلته الالتيما خصوصاً السته سلندر الكمبروسر حقها سريع الخراب .. انا و 2 من الشباب غيرناه مع ان سياراتنا جدد و لسى بدري على تغيير كمبروسر مكيف

شوف هذا كمبروسر ممتاز و طلبته لواحد من الشباب و إلى الان يكرفه له سنه ونص

http://www.amazon.com/Spectra-Premium-0610158-Compressor/dp/B001KS2432/ref=au_as_r?ie=UTF8&Make=Nissan|67&Model=Altima|881&Year=2004|2004&carId=002&n=15684181&s=automotive&vehicleType=5

قيمته 750 ريال بدون شحن مع الشحن ممكن تزيد 300 إلى 450 ريال حد اقصى يطلع المجموع 1200 ريال و تركيبه مع الفريون ياخذ عليه 250 ريال و انتهى الموضوع :)

السلام عليكم انا عندي التيما 2008 الكمبرسر صعيف وفجئة صار مافية ضغط شريت واحد من الصناعية من المكائن المستوردة قالي الكهربائي ركبة علطول بدون تنظيف لانة الكمبرسر القديم يكون راح ضغطة ولا منة خوف غيرة وعبي فريون علطول لانة 99في المية المواسير نظيفة افيدوني