الفحص الدوري

اصلا ليش تبي تجددها؟

والله تفاديا للغرامة اللي كل سنة وغير كذا تعرف حرص الشيبان هههههههه

ياخي يبون اللمبات شغاله وفرامل ومساعدات وقزاز بس ؟

بطن السيارة مدمور من مساعدات واذرعة ومقصات وكراسي مكينه وغير كذا الصدامات مفككه وتبهيت بالبويه 

سمعت انه في مناطق مافيها فحص دوري

يعني يجددولك الاستمارة بدون ما تفحص

حتى انا سمعت بس وين مدري ،، انا حاليا في الغربية وبالاجازة بروح الباحه بس الفحص هناك مررررره متشددين ويدققون على كل شي 

اغسل السيارة من تحت بحيث ما يكون فيه لازيوت ولا شئ موية وصابون يكفي , مساحات القزاز تأكد منها, تأكد من الأنوار بشكل عام تشتغل ولا فيها كسور ووزن النور الأمامي , فك التظليلة الأمامية كانك مركب, تأكد من الفرامل ووزنها, القزاز ما يكون فيه شرخ أو شطب أو كسر, ,إذا رسبت شف ورقة الفحص وزين الخربان وإعادة الاختبار ب25

دورلك من المعقبين يخلصه لك بدون فحص بس يأخذ عليك قريشاات لاصار تقول أنك تبي تستخدمه مو عارضه للبيع ..

وبعد اذنك يآصآحب الموضوع أنا ياشباب الفحص عندي باقي له عشر آيام تقريبآ والاستمارة بعد يومين تطوف أقدر اجدد ولآ..لآ
حبيت أسأل هنآ مآبغيت انزل موضوع على أستفسآر بسيط ولكم جزيل الشكر ..

اسأل في المعارض

عندنا في الشرقية يجددوها بدون فحص في النعيرية

لابد يكون في الغربية منطقة بعيدة وما فيها فحص شوف مهد الذهب وراح تلاقي ناس في المعارض شغالين على الموضوع

يعطيكم العافيه جميع 
ساهر وين احصلهم المعقبين ذولا يفكون ازمه هههههه
وبخصوص استفسارك الفحص اتوقع يمديك لانه لسا ما انتهى وبخصوص الاستمارة يعطونك 15 يوم بعد ما تنتهي تقدر تجدد بدون غرامه 

ساهر, تقدر تجدد الاستمارة قبل أسبوعين قبل ما تنتهي, بس يبيلك تأمين

القرى الي تبيع الطايف يجددونها لك من غير فحص مثل :
تربة 
عفيف 
ام الدوم 
الخرمة 
---------------------------------------
مــــــــــــوفق ..

انا قبل سنه تقريباً
شريت سياره من اخوي مدموره من تحت والله اني اخاف اتعدى 100 من الطقطقه وتنافض
فيها بودي فقط حلو الباقي يخلف الله . وابي انقلها ولازم فحص قلت مو مشكله بصلح فيها على شوي شوي
لين اجهزها مره وحده وافحصها ..... كنت في إجازه وفاضي قلت بروح الفحص
والله ماتوقعت وماحسبت حساب بس قلت بشوف وش يرسب فيه إحتمال اشياء بسيطه اصلحها وافحصها وانقلها
والله الذي لا إله إلآ هو رسبت في كربون عالي ومساعد خلفي يسار فقط واطلع صلحتها ومن بكره الفجر وانا في الفحص وخلصت وقسم بالله خسرت على السياره إلى الآن 10,000 ومازانت باقي فيها شغلات مع العلم اني اشتغل في البيت وعلى راحتي يعني لو موديها ورشه كلفت اكثر ولا حرصت لإني مخصصها للبر فقط
خلاصه القول منت خسران شي روح الفحص وشف وش يقولون ممكن يرجعونك بحاجات ما تتوقعها
خصوصاً ماعاد فيه تشديد مثل اول اهم شي عندك مافي تهريب زيوت الكفرات ومكائن الزجاج والمساحات الانوار
واهم شي البوري لا تنساه هههههههههه ترا اهم شي اول ما يركب الفلبيني لازم يشربك
بالتوفيق

مشكورين على اهتمامكم ماقصرتم ،،
والله افكر يبو كيان اروح افحص وبعدين اشوف وش اللي يحتاج تصليح وكذا 
بس البوري حقي فيه التماس مره واحد يفصل ويشبك ههههههه يشربك لحاله