أضف سؤال أو موضوع جديد          

ابغى رايكم بالالتيما

up 5 down 5
محمد 518 388
قبل 6 سنه و 5 شهر



ياشباب ايش رايكم بالالتيما من ٢٠٠٨ وفوق
وماهو الافضل قير عادي او cvt
ابغى اللي جربها يقولنا عن عيوبها ومميزاتها وقطع غيارها
هل هي غاليه او معقوله

اما اللي ماجربها بس يقول سمعت وسمعت لايفتي من عنده،،
 لأني    ناوي اشتري وحده بس محتار

هل تنصحوني فيها او لا؟
وشكراً لكم،،







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يرزقك من واسع فضله ، وإن شاء الله تلقى اللي يفيدك


up 1 down 1
تركي ـآلشمرآني 41
قبل 6 سنه و 5 شهر




أنا  ما جربت الألتيما لكن مريت قبل فترة على شركة الحمراني وكنت وقتها أشوف الالتيما وجاني مندوب المبيعات وبعد السلام والكلام قال لي إذا كنت تبي السيارة للمشاويير والكرف فأنا ما أنصحك فيها لأن السيارة ورق وتتفكك ومن هذا الكلام .
والله أعلم يمكن يكون كلامه صحيح أو إنه من الموظفين اللي حاقدين على الشركة ويبي يخسرهم ....
ولك حرية الاختيار وموفق ي عزيزي ....
ولاتنسى الاستخارة


up 1 down 2
ماجد المطلق 10841
قبل 6 سنه و 5 شهر



ادخل على متدى نيسان ارابيا قسم التيما
وشوف مجربينها ..
في واحد حاطط له تجربه هناك موصل فوق 300 الف
بس كاتب عن اشياء مغيرها ..
اكثر اللي يخرب عليه قاعدة المساعدات
وفي اشياء ثانية منها يقول القير خرب عليه واستبدله عل الضمان
وشوف انبطاعه ..
موفق
^_^


up 2 down 1
mohammad saeed 2863
قبل 6 سنه و 5 شهر



تبي مشورتي وانا اخوك


اذا عندك سياره ثانيه وانت تبي الالتيما حق سفريات بس ومشاوير بالشهر مرتين او ثلاث اخذ لك جديد وحط تحت كلمة جديد اربعين خط لان الجديد راح يخدم معاك وغير كذا ميطلبك اشياء الا اذا كملت السنه من واقع تجربه يالغاالي


بس اذا انت تبيها حق مشاويرك الخاصه ودوام وطلعات حتى لو جديد احسب لها سنه وبعد سنه تطلب مساعدات تربيط واشياء كثيره


انا مجربها وعندي وحده من طلع موديل 2009 فل اربع سلندر محافظ عليها اكثر من نفسي حتى لما امشي داخل الحواري 20 ما اتعدى حتى اللي يركب معاي يقول شايب وش تحس فيه من حبي لها وما ابي شئ يضرها وحاطها للسفريات فقط او مشاوير كل بعد اسبوعين لان عندي سياره ثانيه

بس والله لشيبت راسي وكرهتها وكرهت اليوم اللي شريته فيها




نيسان عامه سرعه وعزل صوتي وراحه في الخط بس يهربد بسرعه > وهذا اللي حسيته وهذا وانا اشد المحافظين عليها وقطع غيارها مره غاليه ومساعدات واذرعه غيرررر فحمات ماتكمل اربع شهور الا وتصفررررر انوار الطبلون تصير تخف وتقوى ولازم طبعا تعطي الطبلون بقس علشان تزين وانوار السياره عامه سواء اللي قدام او اللي ورا اذا مالقيتها شغاله بس اخبط على الرفرف وتشتغل معاك



غير كذا

لي طولت وخليتها واقفه عند البيت اسبوع وجيت شغلتها تطلع لي اصوات بالمكينه واصوات من الخلفيه




يعني بالعربي اصرف انظر عنها


الا اذا بتشتري جديد وقير عادي وتحافظ عليها اكثر مني فالله يوفقك ويعطيك من خيرها ويصرف عنك شرها والسلام ختام


up 1 down 4
aboamani 1147
قبل 6 سنه و 5 شهر



والله على ما اقول شهيد ^


up 1 down 3
aboamani 1147
قبل 6 سنه و 5 شهر



جزاك الله خير على النصيحه يا ابو اماني
ولايهون الباقين بس الصدق السيارات الجديده كلها كراتين ولاتصبر
يعني كلها خراباتها واجده وحساسه وقطعها غاليه

بالعربي بس منظر لكن جوده مافيه مثل السيارات القديمه

الواحد مايدري وش ياخذ من هالسيارات




up 1 down 1
محمد 518 388
قبل 6 سنه و 5 شهر



كلها الجديد تعبان 
بس والله النيسان ممتاز 


up 0 down 1
فيليكس 205
قبل 6 سنه و 5 شهر



طيب ي اخوان..... ليه النيسان جودتها سيئه وتهربد ع طول مع انها يابانيه


up 0 down 0
ayman-a 328
قبل 6 سنه و 5 شهر



لالا لالا .. معقووووله كذا ,, انا معي التيما فاكها وكاله 2009 وماشيه الحين 190.000 وبسم الله ماشالله مثل العسل ,, ولعلمك  السياره مره مع  اخوي ومره مع اخوي الثاني وسفريات لين قالت بس والحمد اللخ ماشيه مثل العسل ,, غيرت مساعدين اماميه قبل سنه تقريبا  وكل شي فيها كويس بس القير يفصل عليك في السفريات الطويله ,, عاد ان اتكلم من واقع تجربه  .. بالتوفيق للجميع وتقبل مروري 


up 1 down 0
.ابوظافر 26
قبل 6 سنه و 5 شهر



حياك ابو ظافر
طيب الفصله هذي طبيعيه او من مشكله في القير وليش يفصل
وذا فصل ترجع السياره لعزمها مره ثانيه

ابي منكم معلومات عنها


up 0 down 2
محمد 518 388
قبل 6 سنه و 5 شهر



عليكم السلام 

اخوي محمد ماهي فصله هي
هي نظام حماية للقير 

ويسمونه تسخين القير ويجي بس بالقير التماتييييك

يعني مثلا الضهر وتمشي 180 لمدة ساعه القير يسخن وتنزل السررعه لين
120

اما في العادي مايسخن معااك ابد 

وهي طبيعيه في كل سيارات الالتيما


up 0 down 0
مــشعـل 59
قبل 6 سنه و 5 شهر



طيب في أختراع أسمه ( مبرد قير ) قير الالتيما أمريكي عا خبري فاشلين
بسيارة الاماني مرسيدس ماتحتاج مبرد ماشاء الله
مثل كرايزلر هيمي 5.7 L قير مرسيدس 320E مافيه مبرد قير ماشاء الله أمشي 250 ماتفصل بس أكيد في مستقبل يضر السياره وسرعه موب زين بعد
لكن عندك الاسبورت من كرايزلر فيه مبرد قير يجي خلف الشبك الامامي أقدر أشتري لكن ماني بحاجته
تقبل مروري .. تحياتي لك


up 0 down 0
أبؤ مهناا 518 -1
قبل 6 سنه و 5 شهر



السؤال اللي يطرح نفسه

الواحد لي قال كلمة الحق ليه البعض يزعل ويعطيني ديس لايك كبر راسه هههههههههه

والله اتعجب من بعض الاعضاء


up 1 down 0
aboamani 1147
قبل 6 سنه و 5 شهر



معي وحده 2006

فكيتها جديده على يدي و للعلم موديل 2006 هو بدايه ظهور الالتيما من بعد الانقطاع الطويل .. هي نزلت 2005 بس نفس الشكل بالـ2006 اللهم الفرق بـ تكايات الراس بالـ2006 كبرت شوي و الطبلون فيه تغيير طفيف مايلاحظه اللي جربهن ودقق فيها

و هذا الموديل اللي هو من الـ2005 إلى 2007 كان اكثر موديل يذمونه الناس و هو صحيح الجوده فيه مقارنه بالالتيمات الجدد ولا شيء لكن يشهد الله على كلامي انها صبرت معي صبر
لكن فيه عيوب بالنسبه لهالموديل وهو : التعليق قاسي شوي بالنسبه للسته سلندر جنط 17 لأنه كان نفس التعليق حق الـزد + الديكور الداخلي جودته ابو مشي حالك + كان فيها عيب مصنعي في "بعض الالتيمات" وهي المساعدات الاماميه كان تطلع اصوات مزعجه و الحمراني كان يبدلها على الضمان في وقتها

و الالتيما يبي لها اهتمام و صيانه اذا انت من النوع اللي يهتم و يصيّن موتره من فتره لفتره و يغير الاشياء الاستهلاكيه فـ اقول لك خذها ولا تتردد خاصه ان الموديلات الجديده تغيرت 180 درجه و عن تجربه .. لكن ابعد عن موديل 2008 و 2009 خاصه الاربعه سلندر اذا انت راعي سفريات وسرعه .. لأن قير الـCVT حقها على السرعات العاليه ترتفع حراره القير بعدها يخف عزم الموتر و يرجع إلى 120 تقريباً لمده دقائق حتى يبرد الزيت و بعدها يتجاوب معك ثانيه .. و بعضهم حل هالمشكله بمبرد للقير و ضبطت معهم
السته سلندر ماحد كان يشتكي منها ..

اما الموديل الجديد 2013 فـ هو بدري الآن مانقدر نحكم عليها كـ اعتماديه و جوده وغيرها


up 0 down 0
آرق سنود 139
قبل 6 سنه و 5 شهر



بعد تجربة الألتيما ( من 6 اشهر) , سيارة ممتازة جدا, قوة و ثبات وتكييف ممتاز.
سافرت فيها الرياض بالنهار, مثبت السرعة 180 (الله يسترنا) والحمد لله ما شكيت من شي.
ملاحظة مهمة: مشيت بالسيارة بسرعة 200 لمدة ربع ساعة سخن زيت الغير CVT ونزلت السرعة تلقائيا للـ 160, طبعا هاد الشي للامان. تابعت المشي على سرعة 180 ولم يحدث شئ مطلقا.



up 1 down 0
abu-jad 10
قبل 6 سنه و 4 شهر



من اجمل السيارات في نيسان واسعة 
اسعار قطع الغيار جيد 
وتصميمها الاخير رائع 

والله يوفقك ويكتب لنا ولك الخيره 


up 2 down 0
amh2222 418
قبل 5 سنه و 12 شهر