أضف سؤال أو موضوع جديد          

هذي السيارة تتجدد استمارتها ولا لا؟

up 3 down 0
nader2002 1659
قبل 7 سنه و 4 شهر



السلام عليكم ورحمة الله وبركاته, مساكم /صبحكم الله بالخير أخواني الأعضاء دون اسثناء, بإختصار موضوعي اليوم عن سيارة الوالد الله يحفظه, وأخيراً بعد 15سنة من محاولات فاشلة لإقناع الوالد ببيعها , قرر الوالد بيع السيارة وهو عبارة عن جيب ربع نيسان باترول موديل1980,واستمارته مطوفة سبع سنين وفحصه منتهي من 9 سنين, وقلنا لو نبيعه تشليح حرام نبيعه بسعر بسيط وهو شغال , بس يبيله بطارية وصيانة خفيفة من بواجي وطرمبة بنزين وخلافه, لأن أغلب الوقت واقف ويبيله بوية وتنجيد بسبب الشمس, والسؤال هل تتجدّد استمارته ؟ لأني سمعت إن المرور مسوي حملة على السيارات القديمة, وإن جدّدنا أستمارته وضبطناه كم تتوقعون بيجيب سعر؟ وسلامتكم.....







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كذاب الي يقولك ماتجدد استمارته القانون القديم توقف واساسا ماتطبق يمديك تجدد استماره اي سياره تفحصها وعاد هنا المصيبه وبعدين تتجدد استمارتها وتسويلها مبايعه وصلى الله وبارك


up 2 down 0
احمد شريف 3168
قبل 7 سنه و 4 شهر



75 فحص على خبري
100 عن كل سنه تطويف
و150 او 300 تجديد مني متاكد
 سعره منيب من اهل الباترول ولا اقدر افتيك


up 1 down 0
سلطان سعد 1014
قبل 7 سنه و 4 شهر



شاكر مروركم و معلوماتكم أخواني, والله يسمع منكم إن المسألة هينة وماهي معقدة


up 1 down 0
nader2002 1659
قبل 7 سنه و 4 شهر



التصليح ما يخارج



تجديدات يمكن ب 2500 وتصليحات بوية ب 2000و تنجيد ب 1000 و اصلاحات اخرى ب 2000 و سعره عند البيع البيع ما يجيب 8000 غير التعب و الروحة و الجية بيعوه على شخص بمثلا ب2000 وسووا ورقة مبيايعة عند المعارض بحيث انه يتحمل كل شيء من اصلاحات و تجديدات و فحص و تأمين لين ينقل السيارة باسمه



فائق ودي


up 2 down 0
ssulltan 1509
قبل 7 سنه و 4 شهر



شاكر لك أخوي على مشورتك, بس يعني مافي أمل يتضبط ويجي دفّيع يدفع فيه سعر يعوض الخسارة والتعب؟ يعني 2000ريال أحسها قليلة بعد 17 سنة من الخساير وماطلعنا فيه غير سفرتين وطول الوقت واقف يعني ماستفدنا منه بشي, ومعروف أي سيارة حتى لوواقفة لازم تحط فيها من صيانة وكفرات وخلافه


up 1 down 0
nader2002 1659
قبل 7 سنه و 4 شهر



اخوي نادر

ادخل موقع اي بنك حسابك عليه وادخل على خدمات وزارة الداخليه وادخل رقم هوية اللي باسمه السيارة وراح يطلع لك كم مطلوب بالضبط ... انا مجرب لان عندي كورولا 93 مطوفه 12 سنه وطلع علي 1800 ريال تطويفات غير قيمة الفحص ,.. وان شاء الله اني اكون قد افدتك .. موفق


up 1 down 0
ابوابراهيم999 500
قبل 7 سنه و 4 شهر



مشكورأخوي أبو إبراهيم, وإن شاء الله بناخذ بنصيحتك ما بنخسر شي وجزاك الله ألف خير


up 2 down 0
nader2002 1659
قبل 7 سنه و 4 شهر



و ودّي أعطي كل واحد فيكم لايك بس مدري ليش كل ما أبي أعطي لايك على رد يطلع لي مكتوب [ لايمكن التقييم بشكل ايجابي 7 سبع مرات متتالية]مع إني آ خر مرة معطي واحد ديسكلايك!! عشان يرضوا بس!!


up 2 down 0
nader2002 1659
قبل 7 سنه و 4 شهر



القانون بخصوص السيارات القديمة يخص الشكل العام للسيارة 
يعني لو سيارة موديلها 85 وشكلها ما هو تعبان ليش يوقفها المرور ؟

وبالنسبة للتجديد مافيه شي ما يتجدد
لكن احسبوا غرامات التفويت 


up 1 down 0
naac 2 2721
قبل 7 سنه و 4 شهر



ما انصحك يا غالي تبيعه والسبب!!!
الوالد الله يحفظه كان عنده صالون 86 وشرينا سياره جديده وانا دخلت كليه واخوي الثاني معه سياره المهم الصلون صار واقف ولا احد يحركه وكانه مرمي في تشليح بعد فتره صار لاخوي حادث وقررنا بيعه عشان نخطي خسائر الحادث وجاب لنا وقتتا 4000 ريال المهم كلمنا الوالد وقال لنا بيعوه ولكن هو دافع فيه دم قلبه وبعناه ع اساس انه راضي بعد فتره تعب علينا فجأه وتعب بالحيل وما عرفنا وش الي تعبه وبعد محاولات منا معرفه السبب عرفنا بطريقه غير مباشره انه ما كان وده يبيعه......
فنصيحتي لك صلحه وخله لابوك يطقطق عليه او حتى لو خلاه واقف ما يضر شي اهم شي صحته ورضاه....واسف ع الاطاله


up 2 down 0
asalami 2158
قبل 7 سنه و 4 شهر



مشكور أخويasalami,والله يحفظ لكم الوالد ويطول بعمره, وبعدين إلاّ وقفته تضر لأن البلدية بتقروشنا وتقول تلوث بيئة وماتلوث, وبيصدّي زيادة , وبعدين ماقلت لك إن الوالد معاه سيارة ثانية قديمة وهي ميتسوبيشي جالانت موديل1986, و4سلندر اقتصادية أكثر وسواقتها أسهل ومريحة, ومطلعها في سنتها وهي ماشية بس200 كيلو! وبعدين الباترول عسكري أكثر من إنه استخدام داخل المدن والخطوط,وشاكر لكم مروركم ياأخوان ونصايحكم جزاكم الله ألف خير ودمتم بخير...


up 1 down 0
nader2002 1659
قبل 7 سنه و 4 شهر



من ناحية التجديد لا تخاف ابدا
لانه اصلا حتى لو بتبيعه تشليح لازم تجدد عشان يسقطولك اللوحات

هذا اللي متاكد منه والباقي يفيدوك الاخوان


up 1 down 0
w1w1 2205
قبل 7 سنه و 4 شهر