أضف سؤال أو موضوع جديد          

من المسؤل عن مباشرة السيارات المسروقه

up 21 down 1
ابــو ســنــد 10639
قبل 6 سنه و 8 شهر



السلام عليكم ورحمة الله وبركاته والصلاة والسلام على رسول الله يلاحظ الكثير منا سيارات متوقفه في أماكن مشبوهه يعني تكون مسروقه

حيث تكون إما نوافذها مفتوحه أو بعضا من أجزائها مسروقه مثل الكفرات وغيرها وتستغرب أكثر عندما لايتم مباشرتها من قبل المرور والدوريات
  
وأستغرب لوقوفها أيام وأسابيع دون أن يقف عليها المرور ويبلغوا أصحابها عنها إذا مافائدة رجال المرور والدوريات من عملهم ومسؤليتهم

حيث يستطيع معرفة السياره وهل عليها بلاغ بمجرد أخذ رقم اللوحه ومعرفة إن كانت مسروقه أو لا بعض السيارات شاهدتها واقفه بالشوارع العامه وموقفها خطير وتاخذ بالشهور 

ولايتم حجزها أو معرفة أحوالها وشاهدت سياره مكسيما 2010 بأحد المخططات بدون جنوط وكفرات أخذت أكثر من ثلاث أشهر في مكانها من المسؤل عنها وماذنب صاحبها اللذي تكفلة الدوله بحفظ حقوقه

وهذه بعض الصور والأخبار عن بعض السيارات المسروقه
                                         **** أحد الأخبار ******
السيارة هوندا اكورد 2010
05-05-2012 01:23 AM
انباء القصيم : هادي العنزي : أستغرب مواطن لـ " أنباء القصيم " تجاهل شرطة القصيم لبلاغه قبل حوالي خمسة أشهر عن وجود سيارة من نوع ( هوندا أكورد ) موديل 2010 لون رمادي تحمل اللوحه رقم ( ب س ا 2798 ) في مكان مشتبه به ويتضح أنها مسروقة حيث وجدها على الدائري الشرقي خلف غرف مهجورة.
ويذكر المواطن أنه بلغ العمليات ( 999 ) عن السيارة وبعد فترة وعند مروره مع الدائري شاهد السيارة ولا زالت موجودة فكرر البلاغ مرة أخرى ، فتوقع أن تكون قد استلمتها الشرطة وسلمت لصاحبها خصوصاً أنها جديدة وبالأكيد أن صاحبها يبحث عنها.
والمفاجأة أنه وبعد مضيء خمسة أشهر تقريباً كان المواطن بمهمة عمل على نفس الطريق وشاهد السيارة موجودة وقام بالإبلاغ هذه المره عن طريق جهة العمل وذلك يوم الخميس 12/ 6 / 1433هـ لعمليات شرطة القصيم (999 ) والذين أفادوا أنها سلمت لشرطة بريده الجنوبي قبل حوالي خمسة أشهر ..!! 
المواطن يتساءل ما ذنب صاحب السيارة ولماذا لم يتم التعامل مع البلاغ بشكل مباشر من أول بلاغ ؟ 
" أنباء القصيم " وقفت على الموقع بعد صلاة الجمعة 13/ 6 /1433هـ ولا زالت السيارة موجودة في الموقع ولم يتم التعامل مع البلاغ لا من المواطن ولا من الجهة الحكومية المبلغة ..!!
http://www.newsqassim.com/news.php?action=show&id=15068












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مغص قلبي الفورد وبعد سبورت ههههههههههههه والله يالسيارات المسروقه اشوفها بكثره موقفه واخر سياره شفتها افيو موقفه ومصدومه وبابها مفتوح والمفرض يرسلون ناس يلفون يوميا يبحثون عن اي سياره حالتها مشبوهه ويشيكون على لوحاتها ويتوصلون لصاحبها ويعرفون وش سبب توقفها


والله ياشاقح أشوفهن دايم وأخاف أقربلها وتكون عليها قضية قتل أو شي كبير وهذا المعقول من مسؤلية رجال الأمن بس وش تقول


up 5 down 0
ابــو ســنــد 10639
قبل 6 سنه و 8 شهر



المسؤلين عندنا مايتحركون الا قامت قضيه كبيره وصار فيها سفك دماء وقتها يقومون ودام فيه نسبه كبيره من العسكريين داخلين بااوسطه وغير مؤهلين لعملهم العسكري والميداني علميا وجسديا فالله يخلف علينا بس يجيك واحد كرشته اكبر مافي جسمه وحاطينه عسكري


مساء الخير .

وانا مثلكم بعد بحصل سيارات مرمية كثير ونصها مشلح ولا كئن فيه أحد ما ادري اصحابها ماتو او مسروقة من بلد غير المكان

الي هي فيه اللحين يعني صراحة انا مستغرب للشي ذا ؟؟؟ لاكن الله يرد الحق لأصحابة عاجل غير أجل يارب العالمين .

تحياتي للجميع ولايك لكم .


up 5 down 0
مستر بن . 10375
قبل 6 سنه و 8 شهر



والله بعض العسكر أشوفهم موقفين بأماكن بعيده وماحد يشوفهم وفالينها قهوه وشاهي ونوم وتاركين الرعيه 

مستر عندنا وعندك خير ياكثر ماشوفهم وأستغرب وقفتهن أسابع لكن المسكين صاحبها 


up 5 down 0
ابــو ســنــد 10639
قبل 6 سنه و 8 شهر



merajbmw777 رحم الله والديك والله بعض السيارات مسروقه ومتروكه في أماكن عامه أو مشبوهه ورجال الأمن كل يوم يمرون 

عليها وتاخذ أسابيع وهي بمكانها هذا أعتبره إهمال من رجال الأمن وش ذنب صاحبها إذا قام بالواجب وبلغ إنها مسروقه والأمن نايم ماكلف

نفسه حتى يستفسر عن السيارات المشبوهه



up 4 down 0
ابــو ســنــد 10639
قبل 6 سنه و 8 شهر



أهلين حبيبي أبو سند , أشكرك على الموضوع و المحاولة الطيبة منك لإثارة إنتباه المسؤولين حول ظاهرة السرقة المتفشية أولاً و تجاهل البلاغات ثانياً , يحزُ في الخاطر حينما تشاهد سيارة مسروقة و مرمية في أحد الشوارع أو المخططات و تأتي بكل حماس لتقدم بلاغ للجهات الأمنية لكي تُسعد صاحب السيارة المكلوم الذي لا يعلم عن سيارته شيء هل هي مشلحًة أو سليمة أو إسُتخدمت إستخدام سيء في جرايم أو ترويج !!!!! إلخ من الأسباب ... و بعد ما تبلغ يأتيك الرد الروتيني (سجلنا البلاغ شكراً لك) و لا حياة لمن تنادي !!!! أتمنى من إدارات الشُرط و المرور و جميع أجهزة الدولة بكل أمانة (يصحصحون شوي و يحللون رواتبهم) !!!! فالحاصل للأسف ما يطمنً !!!! شوفوا الناس اللحين و خصوصاً أصحاب السيارات الفارهة لمًا تنسرق سياراتهم يروحون يقدمون بلاغ للصحف و الجرائد و يرصدون مكافآت مالية للي يساهم بالحصول على سياراتهم !!!!! معقول وصلنا لهالمرحلة ؟ بالدول الفقيرة و البسيطة الشرطة لها إحترامها و هيبتها !!! ليه ؟ لأنهم بكل بساطة أدوا واجباتهم على أكمل وجه , عالعموم إسترسلت بالحكي و الحكي والله بمثل هالمواضيع يطول و أنا بصراحة صارت لي مواقف سلبية من المرور و الشرطة إلخ ... و لا أخذت لا حق و لا باطل , أتمنى ما نوصل إلى مرحلة (كلن ياخذ حقه بإيده) , شكراً لك حبيبي و صديقي أبو سند , محبك: أبو طــــــــــلال


أخوي غرك جمالك أبو طلال يسعدني مشاركت كاتب ومثقف مثلك بالموضوع وكلامك لاغبار عليه لكن لاحيات لمن تنادي المرور عنده

كل الإمكانيات ومايحتاج تعب ولاشي بمجرد إدخال البيانات بالكومبيوتر يبين له كل شي عن السياره لاكن لارقيب عليهم ولو الدوله تشجع

رجل الأمن على مجهوده وإنجازاته كان تشوف الحاله تكون أحسن بالعكس بعض رجال الأمن يتجنب مباشرة الحوادث والقضايا للهروب

من التكلفه اللتي تكون عليه مثل المتابعه وغيره

merajbmw777 صحيح كلامك عن بعض رجال الأمن أن فيهم خير وذمه ومسؤليه لاكن من كثر مايمر عليه من قضايا ومشاكل

يصبح الأمر عنده أقل من عادي ويصبح لايهتم لكثير من الأمور مثل القتل يكون عنده عادي والسرق عنده عادي وينطبق عليه المثل

اللي يقول ( كثر الإمساس يذهب الإحساس ) شاكر مروركم جميعا نورتم الموضوع بعد أن كان مضلما .



up 6 down 0
ابــو ســنــد 10639
قبل 6 سنه و 8 شهر



حـبـيـبـي أبـو سـنـد , أشكرك على التعقيب الذي يدل على رُقي فكرك و تفرد أسلوبك , و كما عهدتك متميز في مواضيعك و تعليقاتك و شهادتي فيك مجروحة .




فيه سياره في الحي اللي ساكن انا فيه داخلها متسول مدري وش قصته كل يوم نايم فيها 

مشلحه الكفرت والمراتب والمسجل فورد لونه عنابي 


up 1 down 0
hamad2008 1557
قبل 6 سنه و 8 شهر



الكفرااااااااااااااااااااااات


up 1 down 0
hamad2008 1557
قبل 6 سنه و 8 شهر



^^^^^
أبو طلال شهادتي فيك مجروحه ومواضيعك وردودك تشهدلك بالتميز والإحترام وأنت مكسب للمنتدى الله يكثر من أمثالك بالمنتدى
ليصبح مشرقا ومحترما ويرجع الى سابق عهده 


up 4 down 0
ابــو ســنــد 10639
قبل 6 سنه و 8 شهر



hamad2008 الواجب عليك تبلغ الجهات وتشوف وش وضعه يمكن تحل قضيه ببلاغك عن السياره وتكسب الأجر إن شاء الله تحياتي لك



up 3 down 1
ابــو ســنــد 10639
قبل 6 سنه و 8 شهر



كيف تنسرق السيارة اصلا اذا صاحبها مو تركها تشتغل والمفتاح فيها


up 1 down 3
بسدك 1366
قبل 6 سنه و 8 شهر



^^^^^^
بسدك ياعزيزي الفاس طاح بالراس والسياره سرقت وصار اللي صار لكن المشكله لو تكون سيارتك مسروقه ووضعوها في منطقه بعيده

عنك بمنطقه أخرى وبلغت عنها . والدوريات والمرور كل يوم يمرون عليها بدون مايباشرونها أو يخبروك وش يكون موقفك منهم 


up 4 down 0
ابــو ســنــد 10639
قبل 6 سنه و 8 شهر



ياﻵجال الحين كل الدوريات تحصله واقف في مكان ومشغل المكيف ومعه لابتوب وعلى القيمزر
الله يعين 


اما قيمزر بالدورية مووووو معقووووول الا اذا تاكد هالشي يا سكوتي هيبة


up 2 down 1
وليد ابو فيصل 1206
قبل 6 سنه و 8 شهر