ماهو الفرق بين فىات البترول الشكل الجديد

يجي اقل نوع مكينة 5600 سي سي بقوة 320 حصان قير عادي وفيه منه اوتو مواصفاته يجي مكيفين وثلاجه مماسك البيبان والصدامات نفس الفل وكشافات

اللي فوقه يجي بثلاث شاشات وفيه بعض الفروق الداخليه وفيه الفئه الاعلى مااقدر افيدك عنها


وعندك اللي يجي 5600 سي سي بقوة 400 حصان يجي منه ثلاث انواع مااقدر افيدك عن مواصفاته لكن الفل يجي فيه 5 كميرات هههههه مجنون ذا الموتر

مبروك مقدمآ وانصحك تستفسر بمنتدى نيسان العربيه بيفيدونك اكثر

الله يعطيك العافية ما قصرت بــس أيش تنصحني فيه

خذ الشور خذلك الفل كامل يجيك دعامات مثل الفي اكس ار ويي ٤٠٠ حصان ومميزا ت كثيره وقيمته ٢٦٠الف

خذ فل كامل افضل شي مواصفاته اعلا من الكزس  فيه نوع خاص يسمونه vib يعتي توب التوب  بس اتوقع من 300 وفوق النيسان هو الان الجيب الي يستاهل القيمه الي فيه 
والله ييسرلك امورك ويعطيك خيره يارب 

مااقدر اقولك خذ ذا الفيئه واترك ذي يعني هي ترجع عليك انت يعني مثلا انت عزوبي بس انك مرتبط باأهلك وراعي بر اقولك خذ ال 320 قير عادي مريح للعائله واحسن فئه للبر


يعني ترجع عليك انت وانت تحب الفخامه ولا ماتهمك انت تقول انك تبي موتر للديرة ويخدم اهلك يعني على حسب وضعك انت

الباترول نوعين SE 320 حصان وLE 400
النوع الاول الفل كامل يجي بشاشة وجنوط 18وحساسات وبصمة وفتحة سقف

النوع الثاني 400 حصان فل كامل يجي زوايد امامية (حسب الطلب) وخمس كاميرات ومثبت سرعه برادار وحساسات امامية وخلفية وتشغيل بالريموت والباب الخلفي ينفتح ويسكر اوتوماتيك وغيره كثيرر

بالعربي الباترول 400 حصان نيسان بمواصفات لكزس بس الفرق ان اللكزس فوق ال400 الف والباترول ب300

و ال3SE فل كامل سعره 220 تقريبا وفيه اعلان بالموقع ب214 اصفار وSE1 اقل نوع ب200

اول مانزل سنه 2010 يبونه يمشي مامشى والناس سحب على ابو رفارف سود واخبره ذيك الايام في حدود 160 شف فجأة ارتفع لكن صراحه انا ركبته وشفت ديكوراته الداخليه شكل عكس التويوتا تحس جودة رغم ان الجي اكس مواصفات الامان قليله وكم ايرباق عكس النسيان عموما كل سياره فيها مزايا مافيه موتر كامل المواصفات والجودة والصيانه والخ

الله يعطيكم العافية يا رجال وماقصرتو  الله يبيض وجيهكم