أضف سؤال أو موضوع جديد          

التيما 2010 - 2011

up 3 down 1
حبر وورق 74
قبل 6 سنه و 8 شهر



السلام عليكم ورحمة الله وبركاته ,,,


يا إخوان انا ناوي انشاء الله اشتري التيما
2010 او 2011 طبعاً مستعمله ممشى قليل قير عادي 4 سرندل فا ابي رايكم في الموتر من كم ناحية :
الاول الصبر ؟ هل هي عملية .
الثاني هل قطع غيارها رخيص وهل تستهلك قطع غيار باستمرار ؟ يقولون تتفكك كذا على طول ههههه
من ناحية الرساوة هل هي راسية ؟
أخيراً السيارة بشكل عام تستاهل اني اشتريها
اتمنى يكون الرد من المستخدمين و اهل الخبرة




اسف على الاطاله و دمتم ,,,










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نسيت اقول اني محااافظ ولا اكل مطبات


up 0 down 1
حبر وورق 74
قبل 6 سنه و 8 شهر



خذ الكلام مني .


2011 مانزل منها قير عايدي .2010 والكمية محدودة انت وحظك نسبة 80 في الميه ماتحصل الا اوتو

الصبر انا برأيي حسب سواقتك اذا انت هادي صدقني بتخدمك واذا كنت بتشدها وتستغل قوتها في المقاومات والخطوط والله بتأكلك


رساوتها نفس السيارات الي في فئتها .


نصيحة لك اذا انت محافظ فاشتريها واذا رجلك حاره ابعد عنها .



بالنسبة للقطع مهي سوا فيه الرخيص وفيه الغالي .



وللمعلومية القير عايدي مايجي الا في الاستاندر والاستاندر يختلف عن الفل في : الجنوط والحساسات والمسجل يجيك سيدي واحد فقط والفل يجيك 6 سيديهات المراتب الكشافات وفتحة السقف يعني كلها اختلافات بسيطة يمديك تشتري استاندر وتحوله فل بأقل الأسعار





up 1 down 0
راااضي 2525
قبل 6 سنه و 8 شهر



شاكر لمرورك
اخ راااضي 5515


up 1 down 1
حبر وورق 74
قبل 6 سنه و 8 شهر



هلا والله اخوي 

من تجربة لاغلب انواع السيارات

الصناعه في في العشر السنوات الاخيره اصبحت متقاربه من ناحيه جوده البودي
بالاظافه الى الديكورات الداخليه جميع الصناعات متقاربه. سوار ياباني امريكي  كوري
واقرب مثال جميع انواع السيارات تشكي من ضعف الصدامات الاماميه والخلفيه
ونادري نادر تلقى موتر عمره خمس سنوات صدامه بوزنت الوكاله من جد خخخخخ
ثاني كل السيارات تشكي من قربعه الديكورات الداخليه بلا استثناء
هذا بشكل عام

اما الالتيما المشكله العامه لها بالقير التماتيك الشكل الجديد باقي مانتشر لحد اللحين

القير العادي مامنه خوف ابد ابد 

اذا الموتر نضيف وورده وع قولتك يستاهل والله ولونه مناسب 

بس بشرط قيمته ماتتعدى ٣٢ الف اذا كفراته وملحقاتها جديده

يستاهل المغامره 

باقي الامور الكهربائيه وتكييف يجون اصحاب الخبره

بس 


up 1 down 1
مدرس عاطل 26
قبل 6 سنه و 8 شهر



اذا بتاخذ التيما قير عادي اكيد سياحي لكن مواصفات بطللله حتى وهي سياحي وانصحك بموديل 2010 هي افضل دفعه نزلت من موديل 2008 الى م 2012 ويكفي ان فيها تراكشن وفيها نظام slip اذا دعست يمسك الكفر عشان مايفحط بمكانه وعندك زر تقدر تفصل كل هالاشياء سياااارة بطله ومعي انا وحده وكنت اتمنى لو طلعت قير عادي



up 1 down 0
abo fahhad 53
قبل 6 سنه و 8 شهر



التيما بشكل عاااااااااااااام  والله موتر انا معايه 2010 فل كامل اقسم بالله ياشيخ  انك راح تنبسط من التيما بشكل خرافي 
اول شي سياره عمليه  صبوره شكل خرافي  المكيف حقها  خبل جنان  اقتصاديه بشكل ماتتوقع عزمها رهيب والي احسن شي فيها 
 اعجبتني  ان التيما 2010  سياحي قير عادي ياجيك مثبت سرعه جيبلي سياره قير عادي من فئتها   وكمان في السفر مريحه جدا جدا
  الله يوفقك يسعدك 


up 0 down 0
ألعسيري 38
قبل 6 سنه و شهر