أضف سؤال أو موضوع جديد          

درج السياره درج الذكرياT ومستودع المفقودات

up 11 down 0
brake 1307
قبل 9 سنه



السلام عليكم ورحمة الله 

كيف الحال شباب 


اليوم رحت اغسل السياره وقلت بالمره افتح الدرج واشوف وش فيه 


فتحت الدرج وش تتوقعون فيه ههههههههههههه
 

كسره عود :)


وعلك باطوق :)


فصفص :) وانا مانع الفصفص في سيارتي بس مدري من وين جاء :)


ريال معفط 


خلايل أسنان من ايام المفطحات 


فواتير مشكله 


كروت افراح 


مفتاح الاستراحه اذكر هاك اليوم دخت وانا ادور عليه واتذكر طبيت من فوق السور:)


جوال نوكيا من ايام الطييبين ههههههههه


الأهم من ذا  قلت لواحد من الشباب الحكايه قال ياشيخ ماتصدق وش لقيت في درج سيارتي 


قلت وش ؟


قال سروال السباحه هههههههههه 


فضحك الجميع ضحكتن تسليكيتن

          
                     ارجو ان اكون قد وفقت في رسم البسمه على شفاهكم 
                      مع تمنياتي للجميع بالتوفيق 

                                             
                                                                   محبكم 
                                                                 BRAKE








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ههههههه الله يسعدك


up 2 down 0
ولدجدة1 1238
قبل 9 سنه



يارجال انت تهون ,, تعال شوف سيارة نسيبي تحت مرتبة السواق جوالات وبطايق مهمه واوراق رسميه وا


up 2 down 0
ابو سعود629 4708
قبل 9 سنه



يارجال انت تهون ,, تعال شوف سيارة نسيبي تحت مرتبة السواق جوالات وبطايق مهمه وأوراق رسميه ,, هذا غير الشماسه لمن تفكها تمطر عليك الأوراق ,, مره اخذت سيارته رحت بها مشوار ووديتها المغسله قبل لا اعطيه السياره وشفت بلاوي تحت نتفة شاورما وعطر فاضي ولمن فتح الشنطه الهندي ليته مافتحها ملابسه كلها اتوقع بالشنطه ههههههههههههههههههههههههه


up 1 down 0
ابو سعود629 4708
قبل 9 سنه



اشكر مروركم وتم تقييمكم كأحلى اعضاء




up 1 down 0
brake 1307
قبل 9 سنه



انا الدرج عندي مكسور لمن تفكه يشقلب شقلبتن خطيرتن .. خخخخخخخخخخ


up 4 down 0
برينسيزو 539
قبل 9 سنه



انا مشتري سياره قبل اسبوعين 
والدرج مكسور اليد حقته 

ومافتحته للحين تتوقعون لو افتح وش ابلقا 

استفسار :: وين الي يصلحون الدروج ؟؟؟


up 2 down 0
misho123 853
قبل 9 سنه



ومافتحته للحين تتوقعون لو افتح وش ابلقا



بتلقى ورقه صغيره من صاحبها الأول كاتب فيها (ياصاحبي اسمح لي بعتك سيارتي وهي قالبه مرتين وحلفت لك انها سليمه من الرش والسمكره ولكن ياصاحبي للحاجه احكام وانا بعتك الموتر وانا مطفر فارجو ان تتقبل الموضوع بإيجابيه وان تدوم بيننا الصداقه )طبعا انت تدوخ على طول ههه







up 4 down 1
brake 1307
قبل 9 سنه



ياكيف بعت اللي بروحه يداريك
وانت مريح البال ليلك ويومك
ذاهل منامك صيحته ماتوعيك
شخصٍ على حبه يبين معلومك

تقطع رجاء من كان بالحب يرجيك
يرجيك وانته غاية العمر دومك
يدرى الهوى وبغالي الروح يفديك
ماتخاف ربك في صلاتك وصومك

الى متى يامهجتي في تناسيك
سابق هواك وشارعات أولومك
ارحم شجيٍ طامعٍ فيك يرجيك
يابعد عمري ماضميرك يلومك

أوّن الى مروا بتذكار طاريك
وأصغي سموعٍ وأتحرى علومك
ليت العذول إيكف عذلٍ عذل فيك
ياخذ عيوني لأجل منها يشوفك



كلمات: محمد بن راشد ال مكتوم



up 1 down 3
brake 1307
قبل 9 سنه



استغفر الله واتوب اليه

استغفر الله واتوب اليه

سبحان الله وبحمده سبحان الله العظيم

بسم الله توكلت على الله ولاحول ولاقوة الا بالله العظيم

اللهم صلي وسلم على سيدنا محمد




up 2 down 0
brake 1307
قبل 9 سنه



والله كلامك صحيح أنا من أسبوع فاقد بطاقة الأحوال وفقدت الأمل وقلت ضاعت وبالأخير لقيتها في درج السياره


نورتوا ياشباب واسعدني مروركم وتم التقييم


ملاحضه بسيطه ليش الديس لايك للقصيده


كفرنا يعني !!!


انا احب واقولها بصوت عالي ياناس جنني الحب



حب نقا موشئ ثاني


لحضه لاتحط ديس لايك وحط لايك




up 1 down 1
brake 1307
قبل 9 سنه



لحظه


اذكر مره جيت ادور تحت مقعدة السياره ولقيت ولاعه بايام الصيف وقتها اخوي كانت معاه السياره واهو يدخن جلست معاه يومين وردها بس الحمدلله اني طلعتها من السياره ومصارت مشكله واحترقت من الشمس


up 0 down 0
aboamani 1148
قبل 9 سنه