أضف سؤال أو موضوع جديد          

ماهو حل مشكلتي هذه يا أصحاب الخبرة بالماكسيما

up 9 down 1



السلام عليكم ورحمة الله

آسعد آوقاتكم جميعا

ياجماعة الخير آنا معي ماكسيما 2006 قير عادي والحمد لله زي العسل ,
وماشية 763 ألف كيلو
لآكن عندي هالمشكله اللي آتعبتني كثيير وآزعجتني لي تقريبا 9 شهور
اللي هي فيه صوت طقطقه من تحت بالسياره ورا , زي كذا طقق طق طق طققق ,
طبعا هالصوت يطلع اذا كنت مادعست بنزين ولا فرامل ..
والسياره تمشي لحالها على خفيف يطلع هالصوت وطبعا لما ادعس بنزين
خفيف تحس صوت الطقطقه يزود ويسرع
والصوت يروح بعد ماامشي فوق 40 ويطلع الموتر زي الحلاوه ولآكأن فيه شي
للآمانه آنا ماخليت ورشه بالخرج آلآ رحت لها وخسروني ..
ورحت للصناعيه القديمه بالرياض عند العضيب والمجد وكم ورشه
ويقولون كل شي سليم قالوا يبغى لها تربيط بس
ورحت لآفضل ورشه بالصناعيه وسوا له تربيط كامل تحت ..
لآكن للآسف مافاد بشي نفس الحكايه
مع العلم اني من الناس اللي تحافظ ع السياره ..
ودوامي 200 كيلو يعني رايح وجاي باليوم 400 كيلو من غير المشاوير الأخرى
والسياره على يدي وكالة يوم تعينت قبل ست سنين
واذا سحبت الجلنط والسياره ماشيه يروح الصوت فارفع الجلنط خفيف والسيارة تمشي بالفاضى
ويروح الصوت
وحتى امشي بالسياره وافضي القير على سرعة 20 او 30 وباقي صوت طقطقة احسها ورى
والحين صرت اذا دحدرت السياره على ورى وهي على نزلة يطلع صوت صرصره كان حديد يحك ببعضه
وصوت الصرصرة مايطلع الا اذا رجعت السيارة ورى







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله 700 الف الله يعطيك خيرها ويكفيك شرها وشد الهمة للمليون يابطل وخلشركة نيسان يعطونك موتر جديد >>ترا صارت 


up 5 down 0
راكان-505 7169
قبل 8 سنه



اما 700 الف؟ والله وحش


up 3 down 1
ls caprice 2078
قبل 8 سنه



ماشاء الله تبارك الله 700 الف والله نيسان احترمها بعد الالماني موب طايوطا 200 الف وتحصل الصدام في الشنطه والرماكينه مصلبه 


up 4 down 1



اخوي مشكلة سيارتك في رمان الكفر الخلفي واذا تبي تتاكد من صحة كلامي بدون خساير روح لاي بنشري وفك الكفرات الخلفية وراح تحصل في منتصف الهوبات الخلفية غطاء التشحيم للرمان افتح الغطا وشحمة وسو بالكفر الثاني مثلة وصدقني راح تدعيلي


up 3 down 0
الجوابر 749
قبل 8 سنه



بقول لك الحل وان شاء الله يكون هو الصحيح

وش رايك تشيك على الكليبرات الخلفية وبالذات فحمات الجلنط او السلك لانك تقول اذا شديت الجلنط وارخيته شوي يروح الصوت يعني المشكلة تبدأ من هنا وحلها بسيط

حاول تفكر بعقل ارفع السيارة عند اي ورشه ودور الكفرات اللي ورى وشوف مصدر الصوت من وين بعد ماتدور الكفرات بيدك واذا رفعت السيارة ودورت الكفر بيدك وماطلع صوت معناتها ان السيارة وقت ماتنزل يحصل لها فضاوة في الكليبرات او الكفر عند الضغط ويبدأ الصوت يجي والله يعطيك خيرها ويكفيك شرها


up 3 down 0
histyria 572
قبل 8 سنه



نسيت اقولك ان المشكلة ليست بالقير او المكينة لان سيارتك دفع امامي وانت تقول الصوت ورى


up 2 down 0
histyria 572
قبل 8 سنه



اخوي انا اقلك المشكلة الاكيدة حقك ايش (رمان الكفر الخلفي) يجي جوا الفلنجة وللأسف مايتشحم لازم تغير فلنجة كاملة لانه كبس وتلحيم كان معي لومينا فيها نفسس الي توصفه وجنيت منها الين ماوديتها عند واحد يماني فاهم من يوم سمع الصوت قلي البيرينج حق الكفر


up 0 down 0
recoppa 1
قبل 8 سنه



هذي السسته حقت الجلنط مكسوره حاول تبدلها وترى ماتكلف شي بس انتبه لاتخليه يشدها بقوه بتنكسر على طول


up 0 down 0
keeeeeeeeeds911 137
قبل 7 سنه و 3 شهر