طالب مشورتكم يالنشاما في النافارا

احلى ماعجبني فيه انه 6 نمر والدفرنس الغطى حقه من الخلف المنيوم عشان مايمسك الحراره اشوف انها افضل من الهايلوكس وهذا تقرير عنها ..... http://www.mekshat.com/vb/showthread.php?t=495228

تسلم يا شاقح ما قصرت

ممتازة وبالعزم أحسن من الددسن والهايلكس بكثير

ولكن وش رايكم بالسعر حقها أو لا

نعم العزم أقوى من الددسن 160 حصان والنافارا 180 حصان تلقاها مكتوبه HP ودعست البنزين كهربائيه 

بس ماتوقع تكون أرغب من الددسن عند البيع

والله ياخوي انا مجربها على يدي وكاله
سياره راسيه مع الخط ماتلقى مثل رساوتها مقارنه مع الونيتات الاخرى رساوة لفات وسياره تفرش اذا عشقتها بالسادس وقمت تمشي فوق 140 وبصراحه انا جربت ونيتات كثير بما فيها دادسن وهايلوكس وتمتاز النيفارا انك تمشي 160 وانت مرتاح والسيارات الاخرى يصراحه وانت على اعصابك , سياره حديدها قوي فالبر مريحه جدا وصبوره وحجمحوضها كبير تساعد فالتحميل وشاصها قوي وتشد ظهرك فالمغاريز
ومن عيوبها لصدفها الهوى ماتمشي وعداد البنزين دائم يخرب فيهن وبرمجة المفتاح والحق لله اشوفها افضل سيارها ونيت على الرغم ان هواي في اف جي

أخوي شقاوي بالنسبة لقطع الغيار كيف أسعارها مقارنة مع الهايلوكس والددسن وهل متوفرة كل القطع حاليا والا طلبيات

شوف سعر قطعها اشوفها عادي على الرغم انها نازله بالسوق جديده

وفعلا هي ارخص من تويوتا كامري وهايلوكس قطعها اصطب شريته خلفي تقريبا 280 ريال من الشركه سير مكينه ب160 ريال