تفعيل ضمان السيارة .

رح للوكاله سوي صيانة ال1000 وقولهم عالضمان بيدخلونها لك

وترا وزارة التجارة تلزمهم يضمنوا جميع السيارات الي هم وكلاء شركتها

الله يجزاك خير يعني اروح للعيسى واموري تمام , طيب يحتاج اوراق او شيء ؟ وهل بترومين تسوي الصيانة المجانية والاولى ولا كيف .

و عليكم السلام ورحمة الله و بركاته

نصيحتي لك بترومين لا تغير عندهم زيت ولا فلاتر ولا شيء حتى لو عندهم عرض بلاش لا تروح لهم

فيه فروع ون ستوب خاصه بنيسان ما اعرف جودتهم ولكن يعتبرون وكيل او شيء مثل كذا

او شوف الوكاله بنفسها بترومين لا تقرب لهم

ابراهيم بما انك تصين سيارتك بالخدمه السريعه
ايسي ديلكو سمعة انهم يصينون اي سياره تجيهم
من اي شركه هل الكلام صحيح ولالا
لان ودي اصين سيارتي عندهم لانهم افضل من غيرهم

ابراهيم ترا بيترومين صار وكيل

ويا راعي الموضوع اعتقد بيطلبون ورقة الجمارك تاخذها من المعرض فيها المصدر وكذا

بالنسبة لبترومين ما اعرف نظامهم مع نيسان هل يسوونها ببلاش او لا يبغالك تسال

الضمان ماله علاقة بالصيانة..... الضمان تفعله لو سيارتك وارد خليجي تعطيهم بالوكالة مخرج 18 صورة عن الاستمارة و ايصال شراء السيارة و ممكن كتيب الضمان

يعني يا اخوي hb ماقدر اروح على طول للصيانة ؟ لازم اروح لفرعهم الرئيسي ؟ ولا يمدي اروح لاي فرع للعيسى واوريهم البطاقة الجمركية والاستمارة ويدخلوني عالصيانة ؟

هلا بك دحوم

وش عرفك اني اغير عند اي سي ديلكو متابعني بالسناب انت او وش عرفك

بالنسبة لإستفسارك قد شفت كم مره سيارات غير الشفر يغيرون زيوت عندهم لكن تجيب السيفون معك

لان هم تبع الجميح و عندهم قطع شفر فقط

واذا كنت متابعني بالسناب اليومين اللي راحت سويت حظر لأكثر من 60 متابع اللي مجهولين ولا عرفوا بنفسهم

يمكن تكون منهم هههههههههه

لا ابشرك ماني منهم ههههه

وعليكم السلام,

اول شي مبروك السيارة  صيانة ال 1000 هذي بس يشيك لك السيارة اذا بها عيوب مصنعية او لأ ما ظني يكون فيها زيت و فلتر

انت لو تراجع كتيب الضمان و الصيانة عندك تشوف كل كبيرة و صغيرة في الصيانة.

بالنسبة لبترومين انا رحت لهم في رمضان وشفت عندهم لوحة طويلة و عريضة بتسعيرة الصيانات لمختلف سيارات نيسان

وعنده فلاتر نيسان اصلية هو و مكينة و شايفهم بعيني بعد الفلبيني دخلني المستودع عندهم في بترومين.

ون ستوب تابع للحمراني والزيوت اللي عنده فوكس وهم عنده فلاتر لنيسان وسعر فلاتره 30 ريال الواحد وعنده اثنين واحد كبير

والثاني صغير. الكبير اتوقع حق الجيوب مثل الباثفايندر و الباترول و الأرمادا وغيرها من جيوب نيسان اما الصغير حق السيدان.

العيسى عيبه المواعيد بس ويلطعون الواحد يومين او ثلاث على ما يردون عليك ويجي الموعد على كيفهم هم مو انت اللي تحدده.

شوف عندي لك اقتراح شوف مركز بترومين اللي عليه نيسان يعني مركز معتمد لنيسان وهنا يقبل كل سيارات نيسان حتى اللي من

الحمراني و الجبر.

 

بيض الله وجهك يابدر

الصيانة الدورية تعملها بأي مركز للعيسى او بترمين او اوتو ستار حتى لو سيارتك لسى ما دخلت الضمان...الضمان بس عشان لو في عيب مصنعي لا سمح الله وقتها بتحتاج الضمان....تقدر تعمل صيانة دورية بغض النظر عن وضع الضمان

اول شي الف مبروك والله يعطيك خيره

ثاني روح صين مجانا ان شالله مجرد تشييك لنها جديده
ثالث شي خذها معلومه براسك
قبل توصل 80 او 70 الف غير زيت الجربكس بالوكاله

لنهم بعد 80 الف يوقعونك ورقه عدم مسوليه اذا غيرو زيت وخرب عليك

فافضل شي غير قبل 80 من واقع تجربه وشكرا

الله يبارك فيكم كلكم , بيض الله وجيهكم ماقصرتم . ان شاء الله بوديها بكرة الصبح ونشوف وش السالفة